InfoHub Logo

Elimizde joǵary oqý oryndarynyń 35%-y halyqaralyq bilim berý jáne akademıalyq utqyrlyq baǵdarlamalaryn iske asyrady. Sheteldik joǵary oqý oryndarynyń 3 fılıaly bar. Ǵylymı jańalyqtardyń 27%-y komersıalanǵan.

119 joǵary oqý ornynda 626,2 myń stýdent bilim alyp jatyr. Túlekter sany 188,3 myń adamdyquraıdy. 7 099 stýdent bıylǵy oqý jylyndajataqhanalarǵa ornalastyryldy.

«Qazaqstan Respýblıkasynyń Prezıdenti Q. Toqaevtyń tapsyrmasyn iske asyrý úshin 2025 jylǵa qaraı biz jetekshi sheteldik joǵary oqýoryndarynyń 5 fılıalyn ashý boıynsha jumysjúrgizip jatyrmyz. Ál-Farabı atyndaǵy QazUÝbazasynda «MIFI» ulttyq ıadrolyq zertteýýnıversıtetiniń,S. Ótebaev atyndaǵy Atyraý munaı jáne gaz ýnıversıteti bazasynda I.M. Gýbkın atyndaǵy Reseı munaı jáne gaz ýnıversıtetiniń fılıaly qurylǵan. Sonymen qatar, elimizdegi demografıalyq ózgerister joǵary bilimniń damýyna áser etedi. Stýdentter sany turaqty ósýde. Eger 1991 jyly 61 joǵary oqý ornynda 288 myń stýdent oqyǵan bolsa, 2025 jylǵa qaraı 800 myń stýdent bilim alatyn bolady dep boljanyp otyr», — dedi QR ǵylym jáne joǵary bilim mınıstri S. Nurbek.

Memleket basshysy Qasym-Jomart Toqaevtyń Ózbekstanǵa memlekettik sapary sheńberinde 2022 jylǵy jeltoqsanda Qazaqstan Respýblıkasynyń Úkimeti men Ózbekstan Respýblıkasynyń Úkimeti arasynda joǵary jáne joǵary oqý ornynan keıingi bilim berý salasyndaǵy yntymaqtastyq týraly úkimetaralyq kelisimge qol qoıyldy. Osy Kelisim boıynsha taraptar joǵary jáne joǵary oqý ornynan keıingi bilim berý salasyndaǵy yntymaqtastyqty damytýǵa, ǵylymı saladaǵy ózara is-qımyldy keńeıtýge yqpaldasatyn bolady. Qujat stýdenttermen, profesorlyq-oqytýshylyq qurammen jáne ǵylymı qyzmetkerlermen almasýdy, sondaı-aq birlesken ǵylymı zertteýler júrgizýdi kózdeıdi. Atap aıtqanda, 20 adamǵa deıin bilim alýshylarmen almasý qarastyrylýda, onyń ishinde bakalavrıatta oqıtyn 14, magıstratýrada oqıtyn 6 bilim alýshymen almasý kózdelip otyr.

Ál-Farabı atyndaǵy Qazaq ulttyq ýnıversıteti, shetel fılologıasy jáne aýdarma isi kafedrasynyń aǵa oqytýshysy Á.J.Baıeli

---