Qazaqstandyqtar bilim alý úshin zeınetaqy tóleminiń bir bóligin qalaı jumsaı alady
Bilim jáne ǵylym vıse-mınıstri Bıbigúl Asylova bilim alý úshin zeınetaqy tóleminiń bir bóligin paıdalaný mehanızmin engizý jospary týraly aıtyp berdi.
«Keıingi jyldary memlekettiń jastardy joǵary bilimmen qamtý baǵytyndaǵy sharalaryna qaramastan, 2019 jyly otandyq joǵary oqý oryndaryna aqyly negizde joǵary bilim alý úshin 107 myń adam oqýǵa túsken. Bul – jalpy tapsyrýshy 173 538 adamnyń 62 paıyzy. Memlekettik tapsyrys aıasynda 67 myń adam bilim alý múmkindigine ıe boldy. Bul rette jalpy bilim beretin mektepterde 1 synypqa qabyldanyp jatqandardyń sany ortasha eseppen 400 myń balaǵa deıin artyp kele jatqanyn atap ótkim keledi», - dedi Bıbigúl Asylova Parlament Senatynda ótken dóńgelek ústel barysynda.
Vıse-mınıstr osy rette Bilim jáne ǵylym mınıstrligi BJZQ salymshylarynyń zeınetaqy jınaqtarynyń bir bóligin bilim alý úshin jumsaı alatyndaı mehanızm ázirlegenin aıtyp ótti. Onyń sózine sensek, atalǵan mehanızm boıynsha ekonomıkalyq turǵyda belsendi azamattar qaıtarym tártibinde zeınetaqy qoryndaǵy aqshany paıdalana alady.
Atalǵan mehanızmniń negizi mynadaı:
1. BJZQ salymshysy bilim nesıesin resimdeý úshin qujattar paketimen bankke júginedi. Qujattardyń ishinde oqý aqysy men zeınetaqy shotynan kóshirme bolýy kerek;
2. Osydan keıin bank nesıelik jeliniń ashylǵany týraly sheshim shyǵaryp, nesıeni transhtar boıynsha semestrlerge bóle aýdarady. Banktyń sharttary: «Qarjy ortalyǵy» AQ nesıe boıynsha qamsyzdandyrý boıynsha 100 paıyz kepildik beredi. Sonymen birge, bankte oqý salymy shoty ashylýy tıis. BJZQ zeınetaqy qoryndaǵy aqshany salymshynyń bankindegi depozıttik shotqa aýdarady. Depozıtten aqshany tolyǵymen sheship alýǵa múmkindik berilmeýi tıis.
3. BJZQ salymshysy qarajatty aýdarý úshin ashyq oqý depozıtine júginedi;
4. Bank árbir transh boıynsha «Qarjy ortalyǵy» AQ-qa habarlasyp, nesıe boıynsha kepildi alyp otyrady;
5. Kepildik alǵannan keıin bank transh somasyn bilim uıymyna joldaıdy;
6. Qaryz alýshy aı saıynǵy tártip boıynsha bank kestesine saı nesıeni ótep otyrady;
7. Qaryz alýshy tolyǵymen nesıelik mindettemelerdi alǵannan keıin bank depozıttiń qarjysymen aqshany BJZQ-ǵa qaıtarady;
8. Qaryz alýshy mindettemelerdi oryndamaǵan jaǵdaıda bank «Qarjy ortalyǵy» AQ-qa júgine alady.
You Might Also Like
-
Birde Qoja «osy jurt qusap men nege qus asyrap, ańǵa salmaımyn» dep oılap bir saýysqandy ustap alady da, asyraı bastaıdy.
-
Bir toıda ashqaraq bireý qomaǵaılana iship-jegenimen qoımaı, qaltasyna qurt pen irimshikti sala beredi, qasynda otyrǵan Qoja álginiń qaltasyna ystyq shaı quıyp jiberedi.
