InfoHub Logo

Birde Qoja «osy jurt qusap men nege qus asyrap, ańǵa salmaımyn» dep oılap bir saýysqandy ustap alady da, asyraı bastaıdy.

— Saýysqan ańǵa túse me eken? — dep kúlgenderge Qoja:

— Túskende, ańnyń irisine saýysqan tússin, — dep jaýap beredi.

Kúnderdiń bir kúninde saýysqan qolǵa ábden úırenshikti bolǵan soń, Qoja qusyn ustap esik aldyna shyǵady.

— Búrkitimdi ańǵa salamyn, — dep jar salyp, saýysqanyn ushyryp kep jiberedi. Saýysqan salǵan bette aýyl shetinde jaıylyp júrgen bir ala sıyrdyń ústine baryp qonady. Aıshaı joq, Qoja sıyrdy ustap ákep, soıa bastaıdy. Maldyń ıesi kelip:

— Qojeke, munyń ne? Bireýdiń malyn tapa-tal túste soıyp jatqanyń? — deıdi.

Sonda Qoja basyn kóterip, baısaldy pishinmen:

— Óziń esiń adasýdan saýsyń ba? Bul meniń búrkitimniń túsip alǵan ańy, munda eshkimniń daý-damaıy joq, — depti.

 

---