InfoHub Logo

Almatyda EF English Proficiency Index (EF EPI)  - túrli elderdegi eresek turǵyndardyń aǵylshyn tilin meńgerý deńgeıin anyqtaıtyn álemdegi iri reıtıń nátıjesi aıtyldy.

Bul zertteý jyl saıyn halyqaralyq Education First (EF) mektebinde ótkizilip, 72 memlekettiń 950 myń turǵynyn qamtıdy. Jahandyq saýalnamaǵa Qazaqstan da qatysty.

«Álemdik ekonomıkalyq turaqsyzdyq jaǵdaıynda aǵylshyn tilin meńgerý jumysqa ornalasýdyń múmkinshilikterin damytatyn ári nyǵaıtatyn dáleldengen daǵdylardyń biri bolyp tabylady. Memleketti nemese kompanıany bolashaqta aǵylshyn tildi kadrlarmen tolyqtyrý úshin kóptegen kúsh-qaırat pen ınvestısıa qajet. EF EPI osy máselelerdi sheshýge atsalysady  jáne til bilimin jetildirýge kómektesetin bilikti mamandardy jahandyq talqylaýǵa shaqyrady», - dep atap ótti EF ǵylymı zertteý dırektory Mıın N. Tran.

Kórsetkishterge súıensek, EF Education First-te jarıalanǵan EF aǵylshyn tilin meńgerý deńgeıin anyqtaıtyn testine sáıkes, golandyqtar álemde ana tilderi bolmasa da, aǵylshyn tilin meńgerýden aldyńǵy orynda tur; danıalyqtar men shvedter odan keıingi oryndardy ıemdengen. Irak, Laos, Lıvıa elderi reıtıńtiń sońǵy jaǵynda.

Qazaqstan byltyrǵy kórsetkishtegideı, aǵylshyn tilin meńgerýden tómengi oryndy alǵan (54-shi oryn).

Aǵylshyn tilin meńgerý deńgeıi boıynsha Eýropa kósh bastap tur, bıylǵy jyldyń kórsetkishine sáıkes, sonyń ishindegi alǵashqy bestikti soltústikeýropalyq memleketter ıemdengen.

Aǵyshtyn tilin meńgerý deńgeıin ilgeriletetin elderge Fransıa, Katar jáne Sıngapýr kiredi; kúrt quldyraý baıqalǵan elderge Irak, Japonıa jáne Perý jatady.

Malaızıa men Fılıppın elderimen qosa Sıngapýr da alǵash ret reıtıńtiń kósh basynan oryn aldy.  

Barlyq elderdegi ortasha kórsetkish boıynsha, aǵylshyn tilin 18-25 jas aralyǵyndaǵy jastar jetik meńgergen.  

Derekkóz: inform.kz

---