InfoHub Logo

Ál-Farabı atyndaǵy QazUÝ - jańa bilim, progresıvti ıdeıalar men tehnologıalar týyndaıtyn iri ǵylymı, bilim berý jáne ınovasıalyq ortalyqtardyń biri. Ýnıversıtette joǵary bilikti mamandar daıarlaýǵa, álemdik bilim keńistigine odan ári ıntegrasıalanýǵa, irgeli jáne qoldanbaly zertteýlerdi damytýǵa, olardy óndiriske engizýge baǵyttalǵan orasan zor bilimdik, ǵylymı, rýhanı, ınovasıalyq jáne óndiristik áleýet qalyptasqan.

Ál-Farabı atyndaǵy QazUÝ - qazaqstandyq ýnıversıtetterdiń bas reıtıńiniń turaqty jetekshisi, al álemdik reıtıńte QazUÝ QS World University Rankings halyqaralyq reıtıńtik agenttiginiń zertteý nátıjeleri boıynsha QazUÝ qazirgi tańda 800 úzdik ýnıversıteti arasynda 165 orynǵa ıe boldy. Ýnıversıtet basshylyǵy munymen toqtap qalmaı, QazUÝ-dyń oqý úderisi men qyzmetin odan ári ońtaılandyrý ústinde, bul ýnıversıtetke respýblıkadaǵy bilim berý mekemeleri arasynda ǵana emes, sonymen qatar álemdik reıtıńte alǵa jyljýǵa múmkindik berýde. Ýnıversıtet reıtıńin odan ári kóterý maqsatynda, basshylyq senimdi aqparattyq tehnologıalar ınfraqurylymyn qurýdy, aqparattyq qyzmetterdiń tıimdiligin qamtamasyz etýde ıntellektýaldy jelilik ınfraqurylymdy qurýda serverlik saıttyń ónimdiligin arttyrdy.  Ýnıversıtet joǵary tehnologıalar aýmaǵyn quryp, aldyńǵy qatarly tehnologıalyq sheshimderdi daıarlaý men ınovasıalyq ónimderdi óndiriske engizý platformasyna aınaldy.

Men qazirgi tańda QazUÝ-nde Ekonomıka jáne bıznes joǵary mektebi «Menejment» kafedrasynda menejment mamandyǵy boıynsha 4 jyl boıy bilim alyp kelemin. Osy jyldar ishinde men óz mamandyǵym aınalasynda kóptegen múmkindikterdi qoldana aldym dep aıta alamyn. «Menejment» kafedrasy tek pándik sabaqtarmen ǵana shektelmeı, praktıkalyq jaǵynan múmkindikter usyna aldy, daǵdylrymyzdy jetildirý maqsatynda kóptegen halyqaralyq deńgeıdegi onlaın kýrstyq sabaqtarǵa  tegin oqýǵa múmkindikter jasady. Ár túrli kompanıa jetekshilerimen ashyq sabaqtar ótkizip, stýdentterdiń ıaǵnı, bizdiń kókeıimizdegi suraqtarǵa jaýap alýǵa, qorqynyshty jeńýge,  qyzyǵýshylyǵymyzdy oıatýǵa kómektesti. Eń bastysy, bolashaqqa degen úmitimizdi jandyra bildi.

Elbasy Nursultan Ábishuly Nazarbaev: «Ál-Farabı atyndaǵy QazUÝ – Qazaqstannyń joǵary bilim berý júıesiniń irgetasy» demekshi, búginde ál-Farabı atyndaǵy QazUÝ halyqaralyq ǵylym jáne bilim berý keńistiginde óziniń laıyqty ornyn alyp, joǵary bilim salasyndaǵy álemdik kóshbasshy ýnıversıtettiń birine aınaldy.

Kýpeshova Saýle Ekonomıka ǵylymdarynyń kandıtaty,aǵa oqytýshy

Tashova Qarlyǵash QazUÝ «Menejment» kafedrasynyń ctýdenti

---