Qazaqstannyń joǵary oqý oryndary memlekettik búdjetke salmaq salmaýlary tıis - D.Nazarbaeva
QR Premer-Mınıstriniń orynbasary Darıǵa Nazarbaeva Qazaqstannyń joǵary oqý oryndary memlekettik búdjetke salynatyn salmaqty azaıtýlary tıis dep sanaıdy.
Bizdiń mindetimiz, Úkimettiń maqsaty - ınstıtýttar, ýnıversıtetter bizdiń elimizge jáne ekonomıkamyzǵa barynsha tıimdi jumys isteýin qamtamasyz etý bolyp tabylady. Sondaı-aq olardyń meılinshe komersıalanýyna qol jetkizip, memlekettik búdjetke salynatyn salmaǵyn azaıtý. Solaı ádil bolar edi. Memleket bul máselede zań shyǵarýshy, ol retteýshi, mamandardy qaı baǵytta daıarlaý qajettigin kórsetip turatyn silteýshi ǵana. Memleket granttar, vaýcherlar arqyly naryqtaǵy eńbek naryǵyn qajetti baǵytta buryp otyrady. Qalǵanynyń barlyǵy - JOO-nyń qolynda», - dedi ol búgin Astanadaǵy Sáken Seıfýllın atyndaǵy Qazaq Agrotehnıkalyq ýnıversıtetine jasaǵan sapary kezinde.
«Biz boı túzep kele jatqan Batys ýnıversıtetterindegi avtonomıa, bul - qarjylyq basqarý, búdjet, oqý oryndaryn damytý úshin basymdyqtardy tańdaý salasyndaǵy óte aıqyn jáne ashyq, demokratıalyq basqarý júıesi bolyp tabylady. Iaǵnı eldegi ǵana emes, jahandaǵy ekonomıkalyq prosesterdiń naqty úılesimin taýyp otyrý shart. Onyń ústine mundaı ýnıversıtetterdiń búdjeti negizinen memlekettik emes kózderden qalyptasady. Bul menińshe, basty shart. Ásirese bizdiń jaǵdaıymyzda», - dedi D.Nazarbaeva.
You Might Also Like
-
Qazaqstanda bilim berý granttaryn vaýcherlerge almastyrý múmkin. Bul týraly búgin JOO rektorlarymen kezdesýi kezinde QR Bilim jáne ǵylym mınıstri Erlan Saǵadıev málim etti.
