QR Bilim jáne ǵylym mınıstri granttardy vaýcherlermen almastyrýdy usyndy
Qazaqstanda bilim berý granttaryn vaýcherlerge almastyrý múmkin. Bul týraly búgin JOO rektorlarymen kezdesýi kezinde QR Bilim jáne ǵylym mınıstri Erlan Saǵadıev málim etti.
«Granttarǵa keletin bolsaq, ótken aptada bul másele talqyǵa salyndy. Ol jıynǵa memlekettik, jekemenshik jáne ulttyq ýnıversıtetterdiń rektorlary qatysty. Olar biraýyzdan granttardyń biryńǵaı bolǵanyn qoldap otyr. Eger bul ózgeris engiziletin bolsa, 2017 jyly engizilsin degen ótinishterin de aıtty. Rasynda bul óte oryndy. Rektorlardyń pikirinshe, Qazaqstan birtindep granttardyń grýzıalyq modeline kóshýi tıis. Iaǵnı granttardy vaýcherlerge almastyrý qajet», - dep atap ótti mınıstr.
Sonymen qatar ol osy jańashyldyqty engizýdiń tetikterine de toqtala ketti.
«Bylaısha aıtqanda, memleket túlekke vaýcher beredi, ol kez kelgen ýnıversıtetke bara alady, eger JOO-daǵy oqý aqysy vaýcher qunynan joǵary bolsa, stýdent jetpeı turǵan qarajatty ózi tóleı alady. Eger JOO-ǵa bul stýdent kerek bolsa, eger ol olımpıada jeńimpazy nemese keremet talant ıesi bolsa, onda bul jaǵdaıda memleket nemese JOO-nyń ózi grant bólý arqyly kómek kórsete alady», - dedi E.Saǵadıev.
You Might Also Like
-
QR Premer-Mınıstriniń orynbasary Darıǵa Nazarbaeva Qazaqstannyń joǵary oqý oryndary memlekettik búdjetke salynatyn salmaqty azaıtýlary tıis dep sanaıdy.
-
Meniń úlken atam Balǵymbaev Sarbas Rysjanuly – soǵys ardageri. Ol Jylyoı aýdany Qıaq aýyl keńesinde 1921 jyly týǵan. 1939–1941 jyldary segiz jyldyq Qara arna ortalyq mektebinde mu...
