InfoHub Logo

Temirjol kóligindegi jeńildik túrleri

Jeńildikpen tasymaldaýǵa tegin jol júrý, jeńildikpen jol júrý, sondaı-aq aqshalaı járdemaqylar jatady. Qazaqstanda temirjol kóligi arqyly jeńildikpen jol júrý quqyǵyna halyqtyń jekelegen toptary jatady:
 
—  7 jasqa deıingi balalar. Eger ol bólek oryn almasa, bir eresek adammen tegin júrýge quqyly.

—  7 jastan 15 jasqa deıingi balalar eresek jolaýshy úshin belgilengen jol júrý qunynyń 50% mólsherinde jeńildikter alýǵa quqyly.

—  Áskerı oqý oryndarynyń kýrsanttary, merzimdi áskerı qyzmetshiler, kelisimshartpen jumys isteıtinder jáne olardyń otbasy músheleri tegin júredi.

—  Temir jol qyzmetkerleriniń Respýblıka sheginde jáne TMD boıynsha qala mańyna tikeleı qatynaý bıletin aýystyrý quqyǵymen tegin jol júrýge quqyǵy bar.

—  Jolaýshylardyń jekelegen sanattary "Qazaqstan temir joly" UK AQ-nyń arnaıy jeńildik kartalary boıynsha temir jolmen júrýge jeńildik alady. Jeńildik somasy týraly tolyǵyraq "Qazaqstan temir joly" saıtynan bile alasyz.

—  Zeınetkerler, ardagerler, stýdentter, oqýshylar, múgedekter jáne buryn jol júrý jeńildikteri bar basqa da azamattar 2015 jyldyń 4 jeltoqsanynan bastap ataýly aqshalaı járdemaqy alady jáne temirjol bıletteriniń tolyq qunyn tóleıdi.

Tek stýdentterge beriletin jeńildikter

Stýdentter-memleket tarapynan erekshe nazar aýdarýǵa laıyq halyqtyń bir bóligi. Stıpendıanyń tómen kólemine jáne onyń barlyǵyna qol jetimdsizdigine qaramastan, kúndizgi bólim stýdentteri qosymsha qarjylyq kómek alady.
 
Stýdentter jylyna eki ret 4 AEK (aılyq eseptik kórsetkish) mólsherinde jol júrýge ótemaqy alady, 2023 jylǵa bul soma 13 800 teńgeni quraıdy. Tólemderdi tek kúndizgi oqý túrinde oqıtyn stýdentterdiń alýyna múmkindigi bar.
 
Aqsha demalys aıaqtalǵannan keıin bilim alýshylardyń shottaryna aýdarylady. Olar respýblıkalyq jáne jergilikti búdjetterden bólinedi. Stýdentterge aqshalaı ótemaqy alý týraly qosymsha aqparatty saıttan taba alasyz.

Stýdentter men mektep oqýshylaryna arnalǵan toptyq saparlar

Toptyq bıletter keminde 10 adamnan turatyn adamdar toby úshin beriledi. Jolaýshylardyń uıymdasqan toptarynyń jol júrýin resimdeý úshin poıyzdarda oryndardy rezervteýge jazbasha ótinim qajet, ol bos oryndar bolǵan kezde poıyz jóneltilgenge deıin 45 táýlikten 6 táýlikke deıin qabyldanady. Bılet top basshysyna resimdeledi.

Oqýshylarǵa arnalǵan toptyq saparlar 10 oqýshyǵa bir jaýapty eresek adamnyń jáne medısına qyzmetkeriniń súıemeldeýimen júzege asyrylady.
 

 
Járdemaqy alý úshin qandaı qujattar qajet? Ony qaıdan alýǵa bolady?

Járdemaqy alý úshin ótinish jazyp, járdemaqy alý quqyǵyn rastaıtyn qujattardy jınaý kerek. Stýdentter úshin stýdenttik bılettiń bolýy mindetti qujat bolyp tabylady. 2020 jyldan bastap Qazaqstanda stýdenttik bıletter elektrondy túrde usynylady. Siz olardy eGov Mobile qosymshasynda belsendire alasyz.

Stýdentterge aqsha respýblıkalyq jáne jergilikti búdjetterden qarajatty stýdentterdiń kart-shottaryna nemese qolma-qol tólemdermen aýdarý arqyly bólinedi.

7 jastan 15 jasqa deıingi oqýshylar úshin jol júrý jeńildikterin alý úshin Siz ózińizben birge týý týraly kýálikti nemese balanyń jasyn rastaıtyn kez-kelgen basqa qujatty alyp júrýińiz kerek.

Temirjol bıletterin satyp alý

Stýdentter bıletterdiń tolyq qunyn tóleıdi. Temirjol bıletterin satyp alýdy temirjol vokzaldarynyń kasalarynda nemese onlaın resýrstarda júzege asyrýǵa bolady, mysaly Tickets.kz.

Oqýshylar bılet qunynyń 50 % túrinde jeńildikke ıe. Jeńildik bıletti satyp alý kezinde beriledi. Poıyzǵa otyrǵyzý kezinde mektep oqýshylary bıletten basqa balanyń jasyn rastaıtyn qujatty usynýy kerek.

Jastar arasyndaǵy tanymal baǵyttar

Stýdentter arasynda eń tanymal baǵyttar elimizdiń iri qalalaryn, mysaly, Astana-Petropavldy baılanystyratyndar bolyp tabylady.
 

 
Sondaı-aq tanymal týrısik baǵyttardy baılanystyratyndar. Mysaly, qazaqstandyq týrısik qaýymdastyqtyń derekteri boıynsha jastar arasynda Sharyn shatqaly, Túrgen sarqyramasy, Esik kóli, Úlken Almaty kóli jáne Kólsaı kólderi sıaqty týrısik nysandar tanymal.

Qazaqstan Respýblıkasynyń zańnamasyna sáıkes jeńildikter týraly tolyq aqparat

Qazaqstan Respýblıkasynyń jol júrý jeńildikteri týraly zańnamasy boıynsha tolyq aqparatty myna silteme boıynsha Iýrıst saıtynan taba alasyz: https://online.zakon.kz/Document/?doc_id=34163292&pos=2;-106#pos=2;-106

---