InfoHub Logo

Qazaq tili 2 - synyp
Suraýly sóılem
Sabaqtyń maqsaty:
Bilimdiligi: Suraýly sóılem týraly maǵlumat berý, sóılem túrlerin ajyratýǵa úıretý.
Damytýshylyǵy: Suraq qoıý arqyly jan - jaqty oılaýǵa úıretip, saýatty jazýǵa daǵdylandyrý. Til baılyǵyn, sózdik qoryn damytý.
Tárbıeligi: Úlkendi syılaı bilýge, ádepti uıymshyl bolýǵa tárbıeleý. Kórkem jazýǵa baýlý.
Túri: aralas sabaq
Kórnekiligi: oqýlyq, sýretter.

Sabaqtyń barysy:
İ Uıymdastyrý kezeńi.
A) psıhologıalyq daıyndyq: «5» bolsyn alar baǵamyz,
Bilimnen baqyt tabamyz.
Ónermenen óristep,
Óse bersin sanamyz.
Maqsatymyz bilim alý,
Mindetimiz eńbektený.
- Balalar, bizdiń búgingi sabaǵymyzǵa qonaqtar kelip otyr. Biz qonaqtardy jaqsy tártibimizben, bilimimizben qarsy alyp shyǵaryp salýymyz kerek.

İİ. Ótken taqyrypty bekitý. Biz qandaı úlken taqyrypty ótip jatyrmyz? ( sóılem)
Oıyn: «Men bastaımyn, sen jalǵastyr»
Sóılem aıaqtalǵan... (oıdy bildiredi)
1. Sóılem sózden... (quralady)
2. Sóılemdegi sózder... (bólek jazylady)
3. Sóılemniń birinshi... (sózi bas árippen bastalyp jazylady)
4. Sóılemniń sońyna... (ne núkte, ne suraý belgisi, ne lep belgisi qoıylady)
5. Birdeńeniń jaıyn habarlaý maqsatymen aıtylǵan
sóılemdi... (habarly sóılem)
6. Habarly sóılemnen keıin... (núkte qoıylady)

İİİ. Jańa sabaq. Kirispe áńgime.
- Búgin sabaqta suraq - jaýap álemine saıahat jasaımyz.
- Balalar, taqtanyń aldynan taǵy neni baıqadyńdar? (sharlar)
- Balalar, qarańdar, myna sharlardyń ishinde bir nárse bar. Bul ne nárseler? Ne isteımiz?
- Qalaı alamyz?
Oqýshylarǵa shardaǵy qaǵazdardy alǵyzyp, sóılemdi oqytyp suraqtarǵa jaýap alý.
1 - shar: - Seniń atyń kim?
2 - shar: - Neshinshi synypta oqısyń?
3 - shar: - Sabaqtaryń neshede bastalady?
4 - shar: - Sabaqtan bos ýaqytta ne isteısiń?
Suraqtar: - Oqyǵan sóılemderiń qandaı sóılemder dep oılaısyńdar? (suraýly sóılemder)
- Nege?
- Suraqty ne úshin qoıamyz? (jaýap alý úshin)
- Osydan qandaı ereje shyǵaryp alýǵa bolady?
Jaýap alý maqsatymen aıtylǵan sóılemdi suraýly sóılem deımiz. Suraýly sóılemniń sońyna suraý belgisi (?) qoıylady. Mysaly: Seniń atyń kim?

Oqýlyqtaǵy erejeni oqytý.
1. Kún jadyn jazý.
2. Kórkem jazý. (B árpin dápterlerińe ádemi jazý)
İV. Oqýlyqpen jumys. 175 - jattyǵý.
Óleń shýmaqtaryn mánerlep oqytyp, salystyrý.
- Qaı aqyn suraýly sóılemdi paıdalanǵan?
- Óleńderde ne týraly aıtylǵan?
- Aqqý týraly ne bilemiz?
Aqqý – sulý, názik qus kólde syrǵyp júzedi aqqý qamystyń ishine uıa salady ol – saq qus basqa qustardan ózgeshe suńqyldaǵan daýsy bar aqqý – kıeli qus.

V. Dáptermen jumys. – Ári qaraı oryndaıtyn jattyǵýlarymyz suraýly sóılemge baılanysty bolmaq.
176 - jattyǵý. Mátindi oqytyp, ne týraly aıtylǵanyn surap, suraýly sóılemderdi kóshirip jazdyrtý.
- Qumyrsqa týraly ne bilemiz? Nege taqyryby: «Tabıǵat tárbıesi» dep atalyp tur?
- Qumyrsqa – tiri jándik. Mátinnen uqqanymyzdaı qumyrsqalar uıymshyl tatý, eńbekqor. Mekeni – ıleý. Adamzat balasyna tárbıe qandaı bolsa, qumyrsqalarda da tabıǵat tárbıesi bar.
- Kókek, mynaý ne tóbeshik?
- Ileý degen ne?
- Búkil qumyrsqa bir - aq úıde tura ma?
- Olar tatý tura ma?

Vİ. Sergitý sáti.
Vİİ. Taqtamen jumys. 177 - jattyǵý.
Myna jaǵdaılardy bilý úshin suraýly sóılem jasa.
- Sabaqtyń bastalatyn ýaqytyn;
- Sabaq saǵat neshede bastalady?
- Synyptaǵy kezekshiniń esimin;
- Búgin kezekshi kim?
- Asqardyń sabaqqa keshigý sebebin;
- Asqar sabaqqa nege keshikti?
- Qazaq tilindegi daýysty dybystardyń sanyn;
- Qazaq tilinde qansha daýysty dybys bar?

Vİİİ. 178 - jattyǵý.
1. İshten oqytý. 2. Rólge bólip oqytyp, suraqtar qoıý.
- Qandaı sóılem oqydyńdar?
- Suraýly sóılem qalaı oqylady?
İH. Shyǵarmashylyq dıktant. Suraýly sóılemge aınaldyr.
1. Sáýle kitaphanaǵa bardy. 2. Qasqyr – jyrtqysh ań. 3. Anar qalada turady.
H. Qorytyndy. «Venn júıesi» arqyly oqýshylardan habarly sóılem men suraýly sóılem týraly surap toltyrý.
Hİ. Úı tapsyrmasy. 179 - jattyǵý
Hİİ. Baǵalaý