Qazposhtanyń elimizdiń qarjy júıesiniń damýyna úles qosyp jatqanyn maqtan tutamyn – Sáken Sársenov
«Qazposhta» AQ Basqarma tóraǵasy Sáken Sársenov tól teńgemizdiń 25 jyldyǵymen quttyqtady. Bul týraly ol óziniń Facebook paraqshasynda jazdy.
«Qurmetti áriptester, qarjy salasynyń mamandary!
Qazaqstannyń ulttyq valútasy kúnimen jáne elimizdiń qarjy júıesi qyzmetkerleriniń kásibı merekesimen quttyqtaımyn», – dedi S. Sársenov.
Óz quttyqtaýynda ol: «Men Qazposhtanyń osy ýaqytqa deıin elimizdegi qarjy júıesiniń damýyna ózindik úles qosyp kele jatqanyn maqtan tutamyn. Biz ár kún saıyn qarjylyq qyzmetterdi keńeıtý, tólem qujattarynyń jumys sapasyn jetildirý, jańa servısterdi damytý jumystaryn júrgizýdemiz. Qazposhta ujymyna osy qajyrly eńbegi úshin rıasyz alǵysymdy bildiremin», – dedi.
Sondaı-aq, Basqarma tóraǵasy Qazaqstannyń jańa qarjy tarıhyn qalyptastyrýǵa úles qosyp kele jatqan ár adamǵa zor densaýlyq, tabys jáne qarjylyq turaqtylyq tiledi.
Aıta keteıik, Qazaqstan úshin 1993 jyldyń 15 qarashasy Ulttyq valúta kúni bolyp esepteledi. 1993 jyldyń 12 qarashasynda Memleket basshysy Nursultan Nazarbaev ulttyq valúta engizý týraly jarlyqqa qol qoıǵan edi. Araǵa úsh kún salyp, Qazaqstannyń ulttyq valútasy – teńge aınalymǵa engizildi.
Qazirgi kezde «Qazposhta» AQ fılıaldary arqyly kóptegen qarjylyq qyzmetterdi usynady. Ol arqyly komýnaldyq tólemderdi tóleýge, ekinshi deńgeıli bankterdiń qyzmetterin alýǵa bolady.
You Might Also Like
-
Petropavlda sońǵy úlgidegi Oqýshylar saraıy ashyldy. Osyǵan oraı, oqýshylar men ata-analar úshin ashyq esik kúni uıymdastyrylyp, olar úıirmelerdiń jumysymen tanysty.
