InfoHub Logo

Panasyz qalǵan ul men til!...

Kúndegi ádetimen, saǵat 8:00 de jumysqa shyqqan Ádilettiń aldynan balalary júgirip shyǵyp, 

— Áke sen jumysqa kettiń be? Qashan kelesiń?
dep shýyldap júr. Bir jaǵynan jubaıy kelip 

— İske sát 
dep qolyna eki dorba ustatty. Birinde kesheden qalǵan qoqys, endi birinde túski asy bar eken. Esikten shyqqan boıda qoqys salǵan jáshikke jaqyndap baryp, qoqys toly dorbany jáshikke laqtyryp qalǵan edi, shyr etken náresteniń úni estildi. Ań-tań bolyp qalǵan Ádilet jáshikke asa saqtyqpen jaqyndap qarap edi, oı sumdyq-aı, tóbesinen bir shelek muzdaı sý quıylǵandaı sezindi. Jáshiktiń ishinde qanǵa malynǵan shúberekke oraýly náreste jatyr. Ádilet ne isterin bilmeı qolyna telefonyn ala salyp, 103-ke, 102-ge qońyraý shaldy. Ábden esinen adasqan Ádilet, jáshiktegi balany qushaǵyna alyp edi, eriksiz kózine jas úıirildi. 

— Mynaý ul ǵoı. O Alla, bul sumdyq kimniń oıyna keldi eken? Qaıran ul, kimge ǵana artyq bolyp kórindi eken, qaı zalym seni baýyrynan teýip, ózgeniń kúshigin baýyryna basty eken....
dep óz-ózimen kúbirlep tur.....

Kúndegi ádetimizben tańǵy saǵat 8:00 de jumysqa baraıyn dep úıden shyǵarda "Do sbıdanıa papa" dep aldyńnan balalaryń júgirip shyqsa, jumysqa kelgen sátte "Nıhaý" dep áriptesim tursa. Odan qaldy taǵy bir bóten tilde bireý kelip aldymnan shúldirlese. Kimge qońyraý shalamyn? "Zdravstvýıte, slýshaıý" dep turatyn 103-ke ma álde "govorıte" dep turatyn 102-ge me?

— O Alla, bul sumdyqqoı, Qaıran qazaǵymnyń tili-aı kimge ǵana artyq bolyp kórindi eken, qaı zalym seni baýyrynan teýip, ózgeniń kúshigin baýyryna basty eken?

dep oılar ma ekenbiz? Álde kóppen birge shúldirlep biz de júre berer ma ekenbiz?

---