InfoHub Logo

Bul — Horezm shahy Muhammed pen Shyńǵys han áskerleriniń arasyndaǵy kútpegen kezdesýden týyndaǵan shaıqas. Shaıqas Yrǵyz ózeniniń boıynda ótken. Sondyqtan ol «Yrǵyz shaıqasy» dep atalyp ketken.

Shyńǵys han Joshy men Súbedeı basqarǵan áskerin merkitterge qarsy attandyrǵan bolatyn. Olar 1216 jyly erte kóktemde Yrǵyz boıyn jaılap jatqan merkitterge shabýyl jasaıdy. Mońǵoldar qashqan merkitterdiń sońyna túsip kele jatyp, jolda Syrdarıanyń batysynda (qazirgi Aqtóbe oblysy Yrǵyz aýdanyna qarasty) Yrǵyz ózeni boıynda qypshaqtarǵa qarsy joryqta júrgen Muhammed shahtyń 60 myńdyq qolymen ushyrasyp qalady. Joshy elshi jiberip, shaıqasqysy kelmeıtinin aıtady. Joshynyń sheshimine qaramastan, horezmshah ony soǵysýǵa májbúr etedi. Sóıtip, tutqıyldan jolyqqan myqty qolmen aıanbaı shaıqasýyna týra keledi. Shaıqas ústinde Muhammed han qolǵa túse jazdap, uly Jálel-ád-Dınniń erliginiń arqasynda ázer qutylady. Qaqtyǵys kúni boıy júrip, kesh túse saıabyrlaıdy. Eki jaq kelisip, soǵysty erteńgi kúnge qaldyrady. Joshy áskeri ot jaǵyp aldaýsyratyp, tún qarańǵylyǵymen jasyryn shyǵysqa qaraı qaıtyp ketedi. Osylaısha, bul shaıqasta eshkim jeńbegen.

---