Petropavlda zamanaýı Oqýshylar saraıy ashyldy
Petropavlda sońǵy úlgidegi Oqýshylar saraıy ashyldy. Osyǵan oraı, oqýshylar men ata-analar úshin ashyq esik kúni uıymdastyrylyp, olar úıirmelerdiń jumysymen tanysty.
Joǵary tehnologıalyq bazasy bar «Digital URPAQ» saraıy «Sıfrlyq Qazaqstan» aıasynda iske asyrylǵan jańa býynnyń ıntellektýaldyq damý ortalyǵy sanalady. Oqýshylar saraıy robototehnıka, bıotehnologıa, mehatronıka jáne 3D túptúrliliktiń ortalyǵy bolmaq
Soltústik Qazaqstan oblysy ákimdiginiń baspasóz qyzmetinen málim etkendeı, ashyq esik kúni mektep oqýshylary IT-tehnologıalardyń qyr-syrymen tanysýǵa múmkindik aldy. Kishkentaı qonaqtarǵa merekelik konsert te uıymdastyryldy. Al fıto aımaqta balalar úshin robot-akter Tespıanmen fotoset ótkizildi.
Saltanatty sharada sóz sóılegen oblys ákimi Qumar Aqsaqalov atalmysh nysannyń mańyzdylyǵyn atap ótti.
«Oqýshylar saraıy - Elbasynyń soltústikqazaqstandyq balalarǵa jasaǵan syılyǵy. Bul barlyq talaptarǵa jaýap beretin, álemdegi ozyq IT-tehnologıalar paıdalanylatyn zamanaýı biregeı ǵımarat. Ondaǵy bilim berý, tanymdyq dárister, robototehnıka, bıotehnologıa, mehatronıka, kórkemóner, mádenıet, shyǵarmashylyq, oıyn-saýyq úıirmeleri, naqty ǵylymdar ortalyǵy - bári balalarǵa arnalady. Oqýshylar saraıy - balalardyń búgingi kúni oryndalǵan armany dep esepteımin», - dedi Qumar Aqsaqalov.
Oqýshylar saraıynda bir mezgilde 1800 bala bilim ala alady. Qazir ortalyqta 87 úıirme ashylǵan.
QazAqparat
You Might Also Like
-
«Qazposhta» AQ Basqarma tóraǵasy Sáken Sársenov tól teńgemizdiń 25 jyldyǵymen quttyqtady. Bul týraly ol óziniń Facebook paraqshasynda jazdy.
-
Bala – ata-ananyń qolyndaǵy amanat. Olardyń júrekteri pák, taza, gaýhardaı qundy. Bala jas shybyqtaı ıilgish keledi. Kez-kelgen pishinge salýǵa bolady. Qunarly topyraqqa uqsaıdy. Quna...
