InfoHub Logo

Mamandyq tańdaý sóziniń maǵynasyn árbir mektep túlegi tereńinen uǵynary sózsiz. Sebebi, bolashaǵyn oılaǵan kez-kelgen azamat mamandyq tańdaýda uzaq tolǵanatyny anyq. Degenmen, kóp jaǵdaıda jastar kóptegen krıterıılerge súıenip, qandaı mamandyq tańdaý kerek ekendigi turǵysynan jańylysyp jatady. «Ata-anamnyń qalaýy oryndalsa boldy», «Dıplom alsam boldy» degen  oılar basymdyq kórsetetin tustar da kezdesedi.

Al qazirgi tańda ár jeke tulǵa óz ómir jolyn ózi tańdaýǵa quqyly. Dana qazaǵymyz «Eki nárseden jańylyspaý kerek, sonyń biri: mamandyq tańdaý» - dep beker aıtpasa kerek. Árıne, bul oılar kóp jastardy tolǵandyrǵany anyq. Eń aldymen, «Men kimmin?», «Meniń kim bolǵym keledi?» degen saýaldarǵa jaýap izdeıdi. Qazirgi kezde kóptegen ata-ananyń balasynyń tańdaýymmen kelisip, erkindik berýi de jıi kezdesetini qýantady. Búgingi stýdentterdiń áńgimesinen qalaǵan joǵary oqý ornyna oqýǵa túsýge óz qalaýlarymen kelgenin baıqaımyz. Ýnıversıtettiń 1-kýrs stýdenti atanǵan jastardyń deni osy pikirge súıenetini belgili. Sonyń biri – Asqarbek Ánel de: «Men ýaqyt óte kele tabıǵatpen baılanysy bar ári búgingi adamzatqa eń ózekti bolyp tabylatyn tirshilik qaýipsizdigi men qorshaǵan ortany qorǵaýǵa jaqyn mamandyqtardy zertteı bastadym, ári osy mamandyqty tańdadym. Bolashaq túlekterge aıtar basty keńesim: joǵarǵy oqý ornyn tańdaýda onyń ataǵyna emes, tańdaǵan mamandyqtyń oqý ornynda oqytylý deńgeıine nazar aýdarý kerek. Meniń tańdaýym - Ál-Farabı atyndaǵy Qazaq Ulttyq ýnıversıtetine tústi. Men UBT-ny sátti tapsyryp, QazUÝ-dyń Stýdenti atandym. Men osy tańdaýymmen maqtanamyn, sebebi, búginde QazUÝ - bilimdi jastardy daıarlaýǵa zor úles qosyp otyrǵan qara shańyraq.  Osyndaı qýanyshty sátimde óz aqyly men parasattylyǵymen qarsy alǵan ýnıversıtet dosentteri K.E.Abıkenova men Ý.M. Djoldybaevaǵa erekshe alǵysymdy bildirgim keledii» - degen pikir aıtty.

Bolashaqqa talpynyp stýdent atanǵan jastar úshin ózderi unatatyn ári qoǵamǵa qajet mamandyq ıesi ataný – ómirindegi eń mańyzdy qadam bolary anyq. Búginde QazUÝ stýdentteriniń jetistikterge jetý jolynda múmkindikteri de zor. Oqýǵa qushtar jastardyń qatarynyń kóbeıýi ultymyzdyń bolashaǵy jarqyn ekendiginiń dáleli bola alary sózsiz.
 
Ý.M.Djoldybaeva Ál-Farabı atyndaǵy QazUÝ-niń Qazaqstan tarıhy kafedrasynyń dosenti
Á.B.Asqarbek Ál-Farabı atyndaǵy QazUÝ-niń geografıa jáne tabıǵatty paıdalaný fakúltetiniń 1 kýrs stýdenti

---