InfoHub Logo

COVID-19 pandemıasy adam ómiriniń birinshi orynda ekendigin qaıta dáleldep bergendeı. Ál-Farabı atyndaǵy Qazaq Ulttyq ýnıversıtetiniń hımık-ǵalymdary pandemıa bastalýymen tıisti ǵylymı-zertteý jumystaryn qolǵa alǵan-dy. Atqarylǵan eńbek eleýsiz qalmaı, bıylǵy jazda QazUÝ-i Bilim, ǵylym jáne mádenıet jónindegi Dúnıejúzilik Islam uıymynyń (ISESCO) grantyn jeńip alǵany málimdeldi (https://www.inform.kz/ru/kaznu-isesko-sovmestnaya-rabota-v-bor-be-s-covid-19_a3672990).

Atalmysh grant koronavırýsqa qarsy baǵyttalǵan jobany iske asyrýǵa kómegin tıgizbek. Naqty aıtqanda, ýnıversıtet ǵalymdary vırýsqa qarsy dezınfeksıalaý ónimderi men antıseptıkterdiń jańa ári ámbebap túrin oılap tapty.  Nátıjesinde jańa antıseptık ónimderi medısınalyq jáne turmystyq maqsatta birdeı qoldanýǵa ruqsat etilgen  sapaly ári tıimdi ónim bolyp shyqpaq. Sonymen qatar, bul ónim tolyqtaı otandyq shıkizattan jasalynbaq, osy sebepti de onyń baǵasy uqsas ónimderden áldeqaıda tómen bolady dep kútilýde. Sóıtip, Ál-Farabı atyndaǵy Qazaq Ulttyq ýnıversıteti árdaıym ǵylymı ınovasıalar men tyń oılardyń ortalyǵyna aınalǵandyǵyn taǵy bir márte dáleldedi.  

N. Nurtazına ál-Farabı atyndaǵy QazUÝ-niń profesory

 J. Ákimbek 1-kýrs magıstranty

---