InfoHub Logo

Túlekterdiń mektep bitirgennen keıingi ómirindegi mańyzdy sheshimderdiń biri – joǵarǵy oqý ornyn tańdaý. Ár adam óz mamandyǵyn sanaly túrde tańdap, bolashaqta kim bolǵysy keletinin ózi sheshýi kerek. Mamandyǵymdy tańdaı otyra, men bolashaqqa degen naqty qadamymdy bastym. Men de elimizdegi barlyq joǵary oqý oryndaryna uzaq taldaý jasaı otyra, ál-Farabı atyndaǵy Qazaq ulttyq ýnıversıtetin tańdadym. Burynǵy armanymnyń búgin oryndalatynyn kim bilgen?! Emtıhannan súrinbeı ótip, joǵary bal alǵanyma qýanǵanymdy sózben aıtyp jetkize almaımyn. Armanyma sonymen qosa súıikti ýnıversıtetime bir qadam jaqyndaǵandaı boldym. Meniń ǵana emes, talaı túlekterdiń armany bolǵan ál-Farabı atyndaǵy Qazaq ulttyq ýnıversıtetinde oqýǵa múmkindik aldym. Rasynda, atyna laıyq ásem qala  men ondaǵy meniń júregimdi jaýlaǵan Qazaq Ulttyq Ýnıversıteti bolashaqqa degen úlken qadamym bolǵandaı boldy. Búgingi kúni men Ál-Farabı atyndaǵy Qazaq Ulttyq Ýnıversıtetiniń mehanıka-matematıka fakúltetiniń 1 kýrs stýdentimin. Joǵary deńgeıde alyp jatqan bilimimdi odan saıyn jetildirip, óz mamandyǵymnyń naǵyz ıesi bolýdy qalaımyn.

Qurylǵanyna 88 jyl tolǵan oqý orny óz tarıhynda kóptegen jetistikterge jetip, álemdik arenada óz ornyn kórsete bildi. Búgingi kúni QAZUÝ kóp elder men qalalardyń, shetel azamattary men qazaq azamattarynyń basyn qosyp, qara shańyraqqa aınalǵan ýnıversıtet. Ýnıversıtet ujymy kópultty Qazaqstannyń ekonomıkasy men mádenı ósýine, mádenıetine, ǵylymy men bilimine zor úles qosty. Qazirgi tańda ýnıversıtet kóptegen sheteldik ýnıversıtettermen yntymaqtastyq qatynasta. Munda oqıtyn árbir stýdenttiń shetelde bilimin jetildirýge múmkindigi bar. Jalpy, QAZUÝ – múmkindikter mekeni dep aıtqym keledi. Al QAZUÝ-dyń ásem tabıǵaty ol bólek taqyryp. Tabıǵattyń barlyq sulýlyǵy osynda jınalǵan sekildi.  Munyń bári osynda bilim alyp otyrǵan adamzat úshin óte úlken shabyt pen maqtanysh. Barlyq ýaqytta meniń ýnıversıtetim, ıaǵnı QAZUÝYM– maqtanyshym dep maqtanyshpen aıta alamyn. Kelesi kezektegi joǵarǵy oqý ornyn qatelespeı tańdaý erkindigi túlekterdiń qolynda. Árbir túlekter men bolashaq túlekter eń keremet jáne joǵarǵy deńgeıdegi ýnıversıtette oqýǵa laıyqty. Al QAZUÝ barlyq maqtaýǵa laıyqty ýnıversıtet.

Mehanıka-matematıka fakúltetiniń birinshi kýrs stýdenti
Jetekshisi: Ýrazgalıeva S. A.

---