InfoHub Logo

Men UBT-dan 117 bal ala otyryp,Ál Farabı atyndaǵy qazaq ulttyq ýnıversıtetiniń mehanıka-matematıka kafedrasynyń matematıkalyq kompúterlik modeldeý mamandyǵynyń stýdenti retinde meniń ýnıversıtetimdi aıta ótkim keledi.

Ál-Farabı atyndaǵy Qazaq ulttyq ýnıversıteti — Qazaqstan Respýblıkasynyń Joǵary bilim berý júıesiniń jetekshi mekemesi-óziniń 88 jyldyq mereıtoıyn atap ótýde. Baı dástúrler, oqý jáne ǵylymı jumystaǵy kóp jyldyq tájirıbe, joǵary kásibı pedagogıkalyq quram — osynyń bári ýnıversıtetke ondaǵan jyldar boıy túrli salalarda úzdik mamandar daıarlaýǵa múmkindik beredi.

Joǵary oqý ornynda eki myńnan astam profesor, ǵylym doktorlary, kandıdattary men fılosofıa doktorlary, 100-den astam iri akademıalardyń akademıkteri, 30-ǵa jýyq Qazaqstan Respýblıkasynyń eńbek sińirgen qaıratkerleri jumys isteıdi. Munda joǵary kásiptik bilim berýdiń kópdeńgeıli júıesi boıynsha 25 myńnan astam stýdentter men magıstranttar bilim alýda. Ýnıversıtet álemniń júzdegen iri halyqaralyq joǵary oqý oryndarymen birlesken halyqaralyq oqý baǵdarlamalaryn iske asyrý, stýdentter almasý jáne taǵylymdamalar ótkizý boıynsha yntymaqtastyq jasaıdy.

Sonymen qatar, Ál-Farabı atyndaǵy QazUÝ — Qazaqstan joǵary oqý oryndarynyń bas reıtıńiniń kóshbasshysy, el tarıhynda tuńǵysh ret "sapa salasyndaǵy jetistikteri úshin" Qazaqstan Respýblıkasy Prezıdenti syılyǵynyń laýreaty, Ónim jáne qyzmet kórsetý sapasy salasyndaǵy jetistikteri úshin Táýelsiz Memleketter Dostastyǵy syılyǵynyń dıplomanty. Ýnıversıtet Halyqaralyq ýnıversıtetter qaýymdastyǵynyń múshesi jáne Eýrazıalyq ýnıversıtetter qaýymdastyǵynyń teń quryltaıshysy bola otyryp, Qazaqstan men Ortalyq Azıa elderiniń joǵary oqý oryndary arasynda birinshi bolyp Boloná qalasynda Ýnıversıtetterdiń Uly Hartıasyna qol qoıdy, sapa menejmenti júıesiniń (SMJ) ISO 9000:2000 halyqaralyq standarttarynyń talaptaryna sáıkestigine Halyqaralyq sertıfıkattaýdan sátti ótti jáne iri álemdik sertıfıkattaý ortalyqtarynyń kýálikterin aldy.

Aıta keteıik, ál-Farabı atyndaǵy Qazaq ulttyq ýnıversıteti — respýblıkadaǵy birinshi joǵary oqý orny, ol memlekettik atestattaýdan ótip, barlyq mamandyqtar men deńgeıler boıynsha bilim berý qyzmetin júzege asyrý quqyǵyn rastady.

Avtor: T.S.Nurtasuly, QazUÝ -mehanıka-matematıka kafedrasynyń 1-kýrs bokalavrıanty. Jetekshi: aǵa oqytýshy Ýrazgalıeva Svetlana Amanjolovna.

.

 

---