InfoHub Logo

Men Esetova Arýjan Shymkent qalasynanmyn. 2021 jyl mektep bitirip, jas túlek atandym. Ulttyq biryńǵaı testileýden 115 bal jınap, ál-Farabı atyndaǵy Qazaq Ulttyq Ýnıversıtetiniń, mehanıka-matematıka fakúltetiniń 1 kýrs stýdenti atandym. 

Jalpy, QazUÝ týraly aıtatyn bolsaq, qala ishindegi «Kazgýgrad» qalashyǵy dep atalyp ketken qutty mekende stýdentterdiń bilim alýyna barlyq múmkindik jasalǵan. Ó.Joldasbekov atyndaǵy 1600 oryndyq stýdentter saraıy, TMD elderindegi jalǵyz úlken aýqymdy «ál-Farabı» kitaphanasy, sportkesheni men stadıon, jańa ǵımarattar, áskerı kafedra, tehnopark, 5000 stýdentke arnalǵan stýdentter úıi, medısınalyq ortalyq jáne stýdentterge qyzmet etý ortalyǵy stýdentter ıgiligi úshin qyzmet jasap otyr. Ýnıversıtetimizde dástúrli túrde «Jalyn» birinshi kýrs talanttaryn anyqtaý, «Stýdenttik kóktem», KVN, «Ana tili arýy-Jigit sultany» sıaqty baıqaýlar joǵary deńgeıde ótkizilip turady.

Rektor Túımebaev Janseıit Qanseıituly  stýdentterdiń jańa zamanǵa beıimdelgen laıyqty jaǵdaıda bilim alyp, qolaıly da jarqyn ómir súrýleri úshin barlyq jaǵdaıdyń jasalýyna sebepshi bolyp júr.

Stýdentterdiń kóshbasshylyq qabiletterin, uıymdastyrýshylyq qasıetterin damytý maqsatynda jastar uıymdary komıteti jumys isteıdi. Onyń quramyna «Suńqar» stýdentter kásipodaǵy, stýdentter Senaty, «Kómek» eriktiler qozǵalysy, stýdentter keńesi, Bolon úderisi bo­ıynsha stýdenttik búro, stýdentterdiń ǵylymı qoǵamy kiredi. Qazirgi ýaqytta ýnıversıtettegi barlyq merekelik is-sharalar tikeleı atalǵan jastardyń qatysýymen ótedi.

QazUÝ – talantty, daryndy stýdentterdiń basyn biriktirip otyrǵan meken. Syılastyq pen shynaıy dostyqtyń mekeni, QazUÝ – ǵashyqtardyń mekeni. QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beretin meken. Sol sebepti de, men ózimniń QazUÝ-da júrgendigimdi ómirimdegi eń úlken sáttilik dep sanaımyn.

Stýdentter úıindegi stýdenttik ómir de óte qyzyqty. Qazaqtyń túpkir túpkirinen jınalǵan stýdenttermen bir úıdiń balasyndaı ómir súremiz. 

Men Qazaq Ulttyq Ýnıversıtetin tańdaǵanyma esh ókinbeımin. QazUÝ bul bolashaqqa nyq qadam basa alatyn stýdentter ordasy. Múmkindikter mekeni.

Avtory: Esetova Arýjan;  ál-Farabı atyndaǵy Qazaq Ulttyq Ýnıversıtetiniń mehanıka-matematıka fakúltetiniń 1 kýrs stýdenti;  Jetekshisi: Ýrazgalıeva S.A;

---