InfoHub Logo

Men qazir mehanıka-matematıka fakúltetiniń matematıkalyq jáne kompúterlik modeldeý mamandyǵynyń 1 kýrs stýdentimin. Men 11-synyp oqyǵanda, Qazaqstandandaǵy joǵarǵy oqý oryndarynda sholý jasaý barysynda, Ál-Farabı ýnıversıteti jaıly maqala oqydym. QazUÝ álemdegi top-200 ýnıversıtetter qatarynda ekenin, onyń ishinde 175-oryndy ıelengenin bildim. Osylaı bul ýnıversıtet meniń armanyma aınaldy. Aldyma QazUÝ-dy úlken maqsat retinde qoıdym. Ol úshin UBT-dan 100+ bal jınaý qajet boldy. Osynyń ózinen aq tek tańdaýlylar túsetinin túsindim. Úzdiksiz daıyndyq arqyly UBT-dan 119 bal jınadym. Qazir QazUÝ-da oqýdamyn. Bul úlken ómir jolyna bastap qoıǵa armandarymdyń alǵashqysy boldy, jáne men oǵan jettim. Maýsym aıynda oqýǵa túskenimdi bildim, sol ýaqytta ońashada kóz jasymdy syǵyp alǵanym da bar. Kóz aldymnan daıyndyqpen ótken uıqysyz túnderim júgirip ótti. Solaı qajetti qujattarymdy jınadym. Tamyz aıynda qujattar qabyldaý ýaqyty ashylǵanda, anammen qýanyshym qoınyma syımaı, Túrkistannan Almatyǵa keldim. QazUÝ-ǵa alǵash kelgenderi sátimdi eshqashan umytpaspyn. Eń este qalary ýnıverdiń stýdentter qalashyǵy men jupar ańqyǵan gúlzarlary. Eń ereksheligi bir aýmaqtyń ishine, stýdentter úshin jaǵdaı jasalǵan. Sol sátte men óz tańdaýymnyń durystyǵyna taǵy da kózim jetti. Men QazUÝ ýnıversıtetinde oqyp júrgenime qýanamyn da maqtanamyn. Ál-Farabı atyndaǵy Qazaq Ulttyq ýnıversıtetinde bilim alyp júrgenimdi maqtanyshpen aıtamyn!

Ál-Farabı atyndaǵy QazUÝ. Matematıkalyq jáne kompúterlik modeldeý mamandyǵynyń 1 kýrs stýdentti: Nurpeısova D.N. Jetekshisi: Ýrazgalıeva S.A.

---