InfoHub Logo

Sálem, Ál-Farabı atyndaǵy Qazaq Ulttyq Ýnıversıteniń bolashaq stýdenti.Osy maqalany oqyp otyrsań ózimniń shaǵyn ǵana ýnıversıtetke túsý tarıhymdy jáne ýnıversıtetim jaıly jaǵyn baıandap bereıin. Men Aıdaruly Dáýren Jambyl oblysy boıynsha Sarysý aýdanynda shaǵyn orta mektepte bilim alǵan qarapaıym bala edim. Osy Ýnıversıtetke túsý meniń 9 synyptan bergi armandap júrgen armandarymnyń biri edi. Al ýaqyt óte kele 11 synypqa kelip Ýnıver jáne mamandyq tańdaý kezinde kezindegi armanymdy maqsat qylyp, sol maqsatqa jetpeı qoımaımyn dep ózime senimmen karadym. UBT-ǵa kóptegen kýrstarǵa qatysyp biraz ter tógip daıyndaldym. Nátıjesinde joǵary balǵa qol jetkizip ýnıversıtetke túsýge qol jetimdi shekti baldan asyp armanyma qol jettim. Bul jetistik eń áýeli Allanyń ekinshi ata-anam úshinshisi jaqyndarymnyń qoldaýy men ózimniń ynta jigerimniń arqasynda dep oılaımyn. Osylaısha Ýnıversıtette oqyp júrmin. Bolashaq stýdent! Qazaq Ulttyq Ýnıversıtetine túskenine múlde ókinbeısiń sebebi munda stýdenttik ómir men bilim berý sapasy óte joǵary deńgeıde. Ózinniń jaqsy jaǵyndy ashyp, jańa ortada jańa dos tabasyń. Ustazdary da stýdentteri de jyly shyraımen qabyldaıdy. Alataýdyń baýraıyndaǵy shyraıly shahar Almatynyń tórinde ornalasqan ál-Farabı atyndaǵy QazUÝ keleshekke anyq qadam bastyrar sanaly ǵumyrdyń bir aıǵaǵy sekildi. Qara shańyraqtyń qol astyna jıylǵan stýdentter, magıstrantar men doktoranttar talabyn qanaǵattandyrýǵa barynsha jaǵdaılar jasalǵan. Árıne muny ǵajaıyp álem dese de bolar, eń bastysy talaı bala kyrannyń qanatyn ushtap, qıaǵa samǵatqan stýdentter saraıy, tarıhy tereńde jatqan QazUÝ bir sátke kóz aldyna elestetetin jeke murajaı, zaman talabyna saı jabdyqtalǵan úsh júz adamdyq ınternet ortalyǵy, taǵysyn taǵylar, aıta berseń tolyp jatyr. Adamzat balasy osy qıyndyǵy men qyzyǵy qatar júretin mynaý dúnıede qansha jyl ómir súrse de, qandaı ispen aınalyssa da ómirindegi eń bir umytylmas kezder ýnıversıtet qabyrǵasyndaǵy keremet shaqtar. Bizdiń Alataýdaı asqaq armanymyz seni Almaty shaharyna, Ál – Farabı atyndaǵy Qazaq Ulttyq ýnıversıtetine jeteleıdi! 

Avtor: Aıdaruly Dáýren Ál-Farabı Qazaq Ulttyq Ýnıversıtiniń -mehanıka-matematıka kafedrasynyń 1-kýrs stýdenti. Jetekshi: aǵa oqytýshy Ýrazgalıeva Svetlana Amanjolovna.

---