InfoHub Logo

Tán-SHan taýlarynyń soltústiginen bastalyp, İle Alataýynyń qoınaýynan oryn tepken, Qazaqstannyń eń iri megapolısi sanalatyn, ár adamnyń alǵashqy mahabbaty-Almatynyń tórinde ornalasqan Ál-Farabı atyndaǵy Qazaq Ulttyq Ýnıersıteti bolashaqqa nyq qadam bastyrar jarqyn keleshektiń, sanaly ǵumyrdyń bultartpas aıǵaǵy ispetti. QazUÝ-dy ǵajaıyp álem dep atasaq ta, qate bolmas edi. Óıtkeni, qansha bala qyrannyń qanatyn ushtap, qıaǵa samǵatqan tarıhy tereńge jaıylǵan QazUÝ-jeke qalashyq, ózindik murajaı.

 Qıyndyǵy men qyzyǵy qatar júretin myna jalǵanda adamzat ataý qansha jyl ómir súrse de, qandaı ispen shuǵyldansa da ómirindegi eń bir este emes, júrekte qalarlyqtaı umytylmas, erke shaqtyń eń sońǵy kezeńi ýnıversıtet qabyrǵasynda ótedi. Tarydaı bolyp kirip, taýdaı bolyp shyǵatyn mektep bitirýshi túlekterdiń Alataýdaı asqaq armany Almaty shaharyndaǵy, Ál-Farabı atyndaǵy QazUÝ-nen kórinis tabady. Nelikten QazUÝ-ne degen suranys kóp? Birinshiden, QS reıtıńisinde sońǵy jyldary 350 pozısıaǵa kóterilip, búginde álemdik myqty ýnıversıtetterdiń qatarynan 150-orynǵa ıyq tirep otyr. Ekinshiden, 1934 jyly negizi qalanǵan ýnıversıtettiń sońǵy 7 jylda ınfraqurylymy 40%-ǵa ósti. Árıne, bul tek bergi jetistikter ǵana. Budan bólek bizdiń QazUÝ árdaıym jańashyldyqqa bet burady, stýdentter men izdenýshilerge, oqytýshylarǵa alýan túrli múmkindikter syılap, asqaq armannyń aıqyn maqsattaryna jeteleıtin bilim jáne ǵylym ordasyna aınaldy.

Qazaqstan Respýblıkasy Táýelsiziginiń jarıalanýyna baılanysty 1991 jyly 23 qazanda S.M. Kırov atyndaǵy Qazaq memlekettik ýnıversıtetine uly ǵalym, oıshyl jáne ensıklopedıst ǵalym, «Shyǵystyń ekinshi ustazy — Ábý Nasyr ál-Farabıdiń» aty berildi. Jetekshi ulttyq ýnıversıtetke ál- Farabı esiminiń berilýi burynǵy ata-babalarymyzdyń mádenıeti men tarıhı ǵıbrattaryn stýdent jastardy tárbıeleýde jáne barlyq jas urpaqqa Otanǵa degen súıispenshilik rýhynda bilim berýde asa zor mánge ıe. 1934 jyly elimizdiń eń aldyńǵy qatarly ýnıversıteti, qara shańyraǵymyz ál-Farabı atyndaǵy Qazaq ulttyq ýnıversıtetiniń irgetasy qalandy. Búgingi kúni ýnıversıtetimizde 27 000-ǵa jýyq stýdent bilim alady. On alty fakúltetten turatyn ýnıversıtette úsh myńǵa jýyq profesor- oqytýshylar quramy stýdentterge bilim berip keledi. Qala ishindegi «Kazgýgrad» qalashyǵy dep atalyp ketken qutty mekende stýdentterdiń bilim alýyna barlyq múmkindik jasalǵan.Ó.Joldasbekov atyndaǵy 1600 oryndyq stýdentter saraıy, TMD elderindegi jalǵyz úlken aýqymdy «ál-Farabı» kitaphanasy, sportkesheni men stadıon, jańa ǵımarattar, áskerı kafedra tehnopark, stýdentter úıi, medısınalyq ortalyq jáne stýdentterge qyzmet etý ortalyǵy stýdentter ıgiligi úshin qyzmet jasap otyr. «Ál-Farabı», «Qazaq», «Ult» sıaqty qarymdy sózderden turatyn ýnıversıtetimiz atyna zaty saı ulylyqqa ıe. Jalpy ómirde ár adamnyń belgili bir armany bar. Keı ýaqytta sol armanǵa jetý úshin kóptegen kedergilerden ótip, qıyndyqty bastan keshirýge týra keledi. Barlyq bitirýshi túlekter sıaqty meniń de birqatar armandarym boldy. Solardyń biri- balǵyn balalyq shaq, mektep qabyrǵasyn támamdap, joǵarǵy oqý ornynyń stýdenti ataný boldy. Sol armanym aıqyn maqsatyma aınaldy. Bul meniń tańdaýym. Armandarymnyń bastamasy.Maǵan osy ýnıversıtet qabyrǵasynda bilim alý baqyty buıyrǵanyna rızamyn. Mehanıka-matematıka fakúltetinde 4 jyl mehanıka mamandyǵy boıynsha bilim alyp, qazirgi tańda mehanıka jáne energetıka mamandyǵynyń 1-kýrs magıstrantymyn. 4 jyldyq stýdenttik ómirde tek bilim alyp qana qoımaı, qoǵamdyq jumystarǵa aralasyp, ýnıversıtettiń úzdik túlegi atanǵan bolatynmyn. Sonymen qatar, túrli is-sharalar men konferensıalardyń qatysýshysy boldym. Al qazirgi tańda bilim alyp jatqan mamandyq boıynsha QazUÝ-dyń maǵan berer múmkindigi orasan zor bolyp tur. Tek elimizde ǵana bilim alyp qoımaı, Fransıadaǵy Lotarıngıa ýnıversıtetinde bilimniń shyńdalýyna erekshe múmkindik bolyp otyr. Bulda  QazUÝ- múmkindikter mekeni ekeniniń tańy bir dáleli dep aıta alamyn. QazUÝ-sapaly bilim ortalyǵy; QazUÝ- elimizdegi JOO-nyń elıtasy. QazUÝ-barlyq jalyndy jastardyń armanyn oryndaıtyn meken.

Júrsináli Uldana

Mehanıka jáne energetıka mamandyǵy

1-kýrs magıstrant

Fılologıa fakúltetiniń aǵa oqytýshysy Ýrazgalıeva S.A jetekshiligimen

---