InfoHub Logo

Ál-Farabı atyndaǵy Qazaq Ulttyq Ýnıversıteti (1934) - Qazaqstan Respýblıkasyndaǵy eń úzdik, jetekshi ulttyq ýnıversıtet. QazUÝ álemdegi eń úzdik 150 ýnıversıtet qatarynda.Bul mekeme kóp jyldyq oqý jáne ǵylymı jumys tájirıbesine baı. QazUÝ Qazaqstannyń joǵarǵy oqý oryndarynyń bas reıtıńisiniń kóshbasshysy bolyp tabylady. Ýnıversıtet joǵary bilikti mamandardy daıarlaýǵa, álemdik bilim berý keńistigine kirigýge, irgeli jáne qoldanbaly zertteýlerdi damytýǵa, olardy óndiriske engizýge baǵyttalǵan bilim berý, ǵylymı, rýhanı-tárbıelik jáne óndiristik áleýetke ıe. Ýnıversıtette 16 fakúltet, 32 ǵylymı-zertteý ınstıtýttary men ortalyqtar, tehnopark jáne t.b. ortalyqtar jumys isteıdi. Bul ýnıversıtette Qazaqstan Respýblıkasynyń eńbek sińirgen qaıratkerleri, memleketik jáne ataýly syılyqtyń laýreaty atanǵan ataqtylar, ǵalym-professoralar, doktorlar,kandıdattar jáne t.b. zıalylar jumys isteıdi. Jalpy, QazUÝ – bilimdi jastar oshaǵy.

QazUÝ qalashyǵy - múmkindikter mekeni dep atalatyndyqtan, bul ýnıversıtette bolashaq mamandarǵa, ıaǵnı stýdentterge barlyq jaǵdaı jasalǵan. Bul qalashyqta Ál-Farabı kitaphanasy, «Keremet» stýdentterge qyzmet kórsetý ortalyǵy, Ó.Joldasbekov atyndaǵy stýdentter saraıy, stýdentter jatahanasy, tamaqtaný ortalyqtary jáne basqa da mekemelermen qamtylǵan. Sondaı-aq, stýdentterdiń kóshbasshylyq qabiletterin, uıymdastyrýshylyq qasıetterin damytý maqsatynda jastar uıymdary komıteti jumys jasaıdy.

Men úshin QazUÝ ǵylymmen aınalysqysy keletin stýdentter úshin úlken múmkindikter mekeni. Men 2022 jyly osyndaı keremet ýnıversıtettiń stýdenti atandym. QazUÝ qalashyǵyna alǵash qadam jasaǵaly júregimde eń ystyq sezimder paıda bola bastady. Bul qalashyq óziniń ásem tabıǵatymen kózdiń jaýyn alady. Árıne, tek tabıǵatyna qyzyqqanym emes, eń bastysy bilim sapasy óte joǵary. Bul joǵary oqý orynyna túsý árkimniń armany dep bilemin.Qazirgi tańda, QazUÝ da bilim alyp bastaǵaly, stýdenttiń qabiletin ashyp, darynyn damytatynyn baıqadym. QazUÝ da ótkizip júrgen árbir sátimdi ómirimdegi eń úlken sáttilik dep sanaımyn.Aldymyzdaǵy 4 jyl stýdenttik ómirimdi ǵylymǵa toly baǵdarmen jáne óte qyzyqty sáttermen ótkizemin dep tileımin. Eń basty tileıtinim joǵary dárejeli dıplomdy qorǵap shyǵyp, Ál-Farabı atyndaǵy Qazaq Ulttyq Ýnıversıtetiniń bildeı bir profesory bolyp, bilim bergen árbir oqytýshynyń úmitin aqtaý bolyp tabylady.

Kimde-kim «QazUÝ qalashyǵy qandaı?» dep mennen surasa, aıtarym QazUÝ - syılastyq pen shynaıy dostyqtyń mekeni, QazUÝ – bilimdi jastar oshaǵy, QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beretin meken. Sondyqtan da, QazUÝ – stýdenttiń aıqyn bolashaǵy dep sanaımyn.                                 

Oryndaǵan: Mehanıka-matematıka fakúltetiniń “matematıka” mamandyǵynyń 1-shi kýrs stýdenti Samarhan Janel                              Jetekshisi: Ýrazgalıeva S. A.

---