InfoHub Logo

Ál-Farabı atyndaǵy QazUÝ-niń Tarıh, arheologıa jáne etnologıa fakúltetiniń 2-kýrs magıstranttary Túrkıa Respýblıkasy Stambýl qalasyndaǵy, Stambýl ýnıversıtetiniń  Farabı-Evrazıa zertteý jáne oqytý ortalyǵynda ǵylymı is-tájirbıeden ótip qaıtty. Sheteldik ǵylymı is-tájirbıeniń  alǵashqy kúni Stambýl ýnıversıtetiniń Farabı-Evrazıa zertteý jáne oqytý ortalyǵynyń meńgerýshisi, profesor Abdýllah Kyzyldjpen tanysýdan bastalyp, odan ári Farabı-Evrazıa zertteý jáne oqytý ortalyǵyndaǵy  taǵylymdama máseleleri boıynsha qujattardy qarap, tájirbıe almasý baǵdarlamasymen tanystyrý júrgizildi. Ǵylymı taǵylymnama barysynda magıstranttar óz kezeginde Stambýl ýnıversıtetiniń Ortalyq kitaphanasyna baryp, ondaǵy ǵylymı kitap qorymen tanysyp, dısertasıalyq jumystaryna baılanysty bıblıografıalyq tizimdermen tanysty. Sondaı-aq sheteldik is –tájirbıe barysynda magıstranttarǵa óz dısertasıalaryna qatysty Stambýl ýnıversıtetiniń materıaldyq-teknıkalyq bazasymen tanystyrý sharalary júrgizildi. İs-tájirbıeden ótý barysynda bolashaq tarıhshy magıstranttar Stambýl ýnıversıtetiniń Farabı-Evrazıa zertteý ortalyǵynyń profesory Abdýllah Kyzyldjyktyń «Osman ımperıasynyń geografıalyq aımaǵy» atty semınaryna jáne osy Farabı-Evrazıa zertteý ortalyǵynyń ǵylymı kómekshisi otandasymyz, doktor Oraz Sapashevtyń «Ǵylymı zertteý taqyryptaryn  tańdaýdaǵy keıbir máseleler» atty semınarlaryna qatysyp, tájirbıe jınaqtady. Magıstranttar óz kezeginde Stambýl qalasyndaǵy iri tarıhı mańyzy bar keshenderge  onyń ishinde: Aııa-Sofıa meshitine, Sultan-Ahmet meshitine, Topqapy saraıyna, Dolmabahche saraıyna, Stambýl qalasyndaǵy Arheologıa murajaıy men Mozaıkalar murajaıyn aralap, ekskýrsıa júrgizdi. Sheteldik ǵylymı is-tájirbıeniń  qorytyndylaı kele tarıhshy magıstranttar Stambýl ýnıversıtetiniń Farabı-Evrazıa zertteý ortalyǵynyń arnaıy sertıfıkattarmen marapattaldy. Sondaı-aq sheteldik ǵylymı is-tájirbıeniń nátıjesinde QazUÝ-niń Tarıh, arheologıa jáne etnologıa kafedrasynyń magıstranttary jańa materıaldarmen tanysyp, dısertasıaǵa qatysty málimetter qoryn jınaqtady. Sheteldik ǵylymı is-tájirbıeden ótý  magıstranttarǵa tek dısertasıalyq jumysqa materıaldar jınaqtaý ǵana emes, Túrkıalyq ǵalymdardyń eńbekterine baqylaý júrgizý arqyly ǵylymı zertteý ádisin túsinýge múmkindik beredi.

E. Shalbaev,Ál-Farabı atyndaǵy Qazaq UlttyqÝnıversıtetiniń 2 kýrs magıstranty.

N. Nurtazına, Ál-Farabı atyndaǵy Qazaq UlttyqÝnıversıtetiniń profesory., ǵylymı jetekshi.

---