InfoHub Logo

Elimizde 2019 jyl Jastar jyly bolyp jarıalanǵany belgili. Tuńǵysh prezıdenttiń  bastamasyna  qoldaý bildirgen elbasy Qasym-Jomart Toqaev óziniń Qazaqstandy tabysqa jeteleıtin ataýly on baǵytynyń birin jastarǵa arnaı otyryp,  «Biz «Jas kásipker» jastardyń bıznes-bastamalaryn damytý baǵdarlamasyn iske asyrýdamyz, jastar startaptaryn qoldaımyz. Jastardy jumyspen qamtý baǵdarlamalaryn iske asyramyz. Meniń mindetim-sizderdiń eń úlken armanyńyzdy iske asyrýǵa jáne jeke «tabysqa jetý tarıhyn» jasaý úshin barlyq múmkindikterdi jasaý. Memlekettik qyzmettiń barlyq deńgeılerinde jas talantty menejerlerdi nasıhattaý úshin Prezıdenttiń kadrlar rezervi qurylady. Bizdiń jastar maqsatty, eńbekqor, jigerli, sondyqtan Qazaqstannyń bolashaǵy jastardyń qolynda» dep qadap aıtty.

Kez kelgen el óziniń keleshegen óskeleń urpaǵymen baılanystyrady. Bolashaq-jastardyń qolynda degen urandy jıi aıtyp, elimizde osy maqsattarda qolǵa laynyp jatqan jobalar az emes.  Álemdegi damyǵan elderdiń qataryna qosylýdy maqsat tutqan, shırek ǵasyrda shırap, az ǵana ýaqytta aldyǵa qaryshtap damyǵan Qazaqstannyń erteńgi úmiti, táýelsizdigin baıandy eter kóziniń aǵy men qarasy,birneshe jyldan keıin memlekettiń bet-beınesi bolatyn jastarǵa kóbirek kóńil bólý-basty mindetterdiń bastysy.

«Elińniń uly bolsań, elińe janyń ashysa, azamattyq namysyń bolsa, qazaqtyń memleketin nyǵaıtyp, kórkeıýi jolynda terińdi tógip eńbek et. Jerdiń de, eldiń de ıesi ekenińdi umytpa», dep N.Nazarbaev aıtyp ótkendeı ulan-ǵaıyr atyraptyń myzǵymas birligin saqtap, táýelsizdigimizdi tuǵyrynan taıdyrmaı, ozyq oıly elderden oq boıy oza shabýǵa jigerli de jalyndy jastarymyz talpynyp, mártebemizdi bıik etse, odan asqan baqyr joq shyǵar sirá. Damyǵan elderden daralaný úshin ár Alash azamaty qol qýsyryp jatpasy anyq. Kezinde ata-babalarymyz bilim alý jolynda soqtyqpaly, soqpaqty jerlermen júrip, ult t aǵdyry úshin janyn qıǵanyn bárimiz biliemiz. Al, qazirgi ólsheýsiz múmkindikter berip qoıǵan qoı ústinde boztorǵaı jumyrtqalaıtyn zamanda jastarymyzdyń bilimge talpynbaýy nadandyq bolar edi.

Boı jarystyratyn emes oı jarystyratyn zamanda bilektiń kúshine emes bilimge kámil sengen ulttyń jas qyrany erkin qalyqtap, samǵaı ushyp, bıikterge qulash sermeıtini sózsiz. Alash arysy Maǵjan Jumabaevtyń «Men jastarǵa senemin» atty óleńinde jastardy qyran qusqa teńeýi de tegin emes.

---