InfoHub Logo

Smagýlova A.S. ál-Farabı atyndaǵy Qazaq ulttyq ýnıversıtetiniń halyqaralyq qatynastar fakúlteti, dıplomatıalyq aýdarma kafedrasynyń ı.o.dosenti

Rahımbaeva R.M. ál-Farabı atyndaǵy Qazaq ulttyq ýnıversıtetiniń halyqaralyq qatynastar fakúlteti, dıplomatıalyq aýdarma kafedrasynyń  Phd  doktoranti, aǵa oqytýshysy

Búginde QazUÝ TMD elderi men Ortalyq Azıadaǵy eń úzdik joǵary oqý oryndarynyń biri bolyp tabylady. Bul ýnıversıtettiń barlyq qyzmetkerleriniń ǵylymı -bilim berý salasynda ǵana emes, sonymen qatar sporttaǵy birlesken qajyrly eńbeginiń nátıjesi. Jattyqtyrýshylar men tálimgerlerdiń qajyrly eńbegi men kásibı sheberliginiń arqasynda sportshylardyń bir emes birneshe urpaǵy daıyndaldy.

Ál-Farabı atyndaǵy Qazaq ulttyq ýnıversıtetiniń Basqarma Tóraǵasy – Rektory Janseıit Túımebaev oqý ornynyń túlegi Eldos Smetov pen medısına fakúltetiniń 1-kýrs stýdenti Igor Sondy Tokıo Olımpıadasynyń qola júldesimen quttyqtady.  

Dzúdoshy Eldos Baqtybaıuly QazUÝ-dyń zań fakúltetin bitirgen. 2016 jylǵy Rıo Olımpıadasynyń kúmis júldegeri. Kúnshyǵys elinde 60 keli salmaqta el namysyn qorǵap, qola medalǵa qol jetkizdi.

Igor Son – qazirgi sátte dene shynyqtyrý jáne sport mamandyǵy boıynsha bilim alýda.  Aýyr atletıkadan 61 kelige deıingi salmaq dárejesinde synǵa túsip, julqa kóterýde 131 kelini, serpe kóterýde 163 kelini baǵyndyrdy.

J.Túımebaev óz quttyqtaýynda Olımpıada oıyndarynyń júldegerleri qazaq eliniń abyroıyn asqaqtatyp qana qoımaı,  ýnıversıtet ujymyn sheksiz maqtanysh pen qýanyshqa bólegenin jetkizdi.  

Sonymen qatar, kúnshyǵys elinde eki kún ishinde qorjynǵa túsken eki qola keıingi stýdent jastar úshin eren úlgi, patrıottyq rýh syılaıtyn jarqyn sát ekenin atap ótti. 

Esterińizge sala ketsek, Ál-Farabı atyndaǵy Qazaq ulttyq ýnıversıetiniń 10-ǵa jýyq túlegi men bilim alýshylary Qazaqstan ulttyq quramasynda júzý, dzúdo, erkin kúres, aýyr atletıka, jeńil atletıka sıaqty sport túrlerinen baq synaýda.  Sonymen qatar 3 kýrs Álemdik ekonomıka  mamandyǵynyń stýdenti Aleksandr Molchanovtyń jeńisteri týraly atap ótkim keledi. Ol «Býrevestnık» voleıbol komandasynda oınaıdy, onda komanda birneshe ret júldeli oryndarǵa ıe boldy.

Barlyq sportshylarymyzdyń elge jeńispen oralýyn tileımiz! Barlyq sportshylarymyzǵa budan da kóp jeńister men joǵary marapattar tileımiz.

---