InfoHub Logo

Tálimger – ómirlik tájirıbesi mol, naǵyz eńbekqor, izdenimpaz, ushqyr oıly maman. Naǵyz myqty tálimger ǵana salaýatty da, sanaly, rýhanı baı, jan-jaqty damyǵan jeke tulǵa qalyptastyra alady. Mine osyndaı qasıteke ıe tálimger, meniń ustazdyq ómir jolyma baǵyt-baǵdar berip, jarqyn bolashaǵyma baǵdarsham bola bilgen, ustazdyq eńbegin ustazdyq jolyma bir arnaǵa toǵystyrǵan tálimgerim Jýmahanova Elmıra Jýmahanqyzy. Tálim – tárbıe berip, baǵyt-baǵdar kórsetýshi, bar adamı qasıetterdi boıyna jıǵan talantty adam. Búgingi tańdaǵy tálimgerdiń qasıetine ıe, jan-jaqty damyǵan, jeke tulǵa qalyptastyrýda atqaryp jatqan eńbekteri ushan-teńiz. Uly tálimgerlerdiń jolyn jalǵastyra otyryp, tálimgerimniń bolmysyn aıtar bolsam, úzdiksiz izdenýshi, jeteleýshi, alǵa umtyldyrýshy. Kez kelgen tosyn suraqqa jaýap berip, kez kelgen sıtýasıadan shyǵa alatyn bilimdar jan. İzdenis negizinde ol árqashan teorıalyq bilimin keńeıtip, metodıkalyq sheberligin arttyryp otyrady. Óz betinshe izdene júrip áreketine saraptama, taldaý jasaýmen qatar shyǵarmashylyǵyn shyńdaı túsedi. Ustazymnyń aldyna qoıǵan maqsaty aıqyn, isine súıispenshilikpen, jaýapkershilikpen qaraıtyn, boıynan baıqaǵyshtyq, tózimdilik, óz isine degen erekshe iltıpat pen myqty senimdilik tógilip turady.

«Armandarǵa jetelegen

Anamyzdaı mápelegen

Alǵys aıtyp bas ıemiz

Ustazdarǵa bilim bergen» – dep aqyn jyrlaǵandaı, ustazdyq etip, jalyqpaı kómek kórsetken Elmıra Jýmahanqyzy ustazyma alǵysym sheksiz! Biliktiligińiz ben iskerligińizdi oraıly ushtastyra otyryp, bilim berý isine súzbeli úlesińizdi aıanbaı qosyp kelesiz. Sizge aq nıetpen qartaımas jaıdarly kóńil, mándi de maǵynaly ómir, jemisti eńbek pen sarqylmas qýat tileımin. Kóńilińiz shattyq pen qýanyshqa, januıańyz baq pen berkege tolsyn!

Temırhanova Saltanat

---