InfoHub Logo

Ál-Farabı atyndaǵy Qazaq ulttyq ýnıversıteti meni árdaıym óziniń bedelimen jáne baı tarıhymen tánti etti. Mektepshilik  olımpıadaǵa qatysqan  kezimde jıi osy ýnıversıtetke keletin edim. Jýrnalısıka fakúlteti «Baspagerlik-redaktorlyq jáne dızaınerlik óner» kafedrasy uıymdastyratyn túrli konkýrstarǵa qatysyp shyǵarmalar jazyp, úlken kitaphanada kórkemsýret baıqaýyna qatysqanym esimnen ketpeıdi. Sol baıqaýlardyń arqasynda, túrli jetistikke jetip, men osy oqý ornyna túsýge jeńildik utyp aldym. Ol men úshin úlken jetistik. 

Pandemıaǵa baılanysty 1-kýrsty onlaın formatta óttim. Biraq qashyqtyqtan oqytý óte qyzyqty bolǵanyn moıyndaýym kerek, óıtkeni bul jańa jáne erekshe tolqyn boldy. Desede men stýdenttik ómirdiń dámin seziný úshin oqý ornyna baryp, kampýstarda serýendep, kýrstastaryma, aýdıtorıalarda otyrǵym keldi, biraq mende oǵan áli de ýaqyt bar dep oılaımyn.

Eger oqytýdyń ózi týraly aıtsam, onda ol óte yńǵaıly boldy, óıtkeni QazUÝ-da «Ýnıver júıesi» dep atalatyn óziniń elektrondyq júıesi bar. Júıeden erekshe ózekti jańalyqtardy, sabaq kestemizdi, baǵalarymyzdy qarap, úı tapsyrmasyn jiberýge múmkindik boldy. Sonymen qatar, bul júıe stýdentter úshin qolaıly. Kompúterde de, smartfondarda da jumys istedi, sondyqtan bul óte yńǵaıly. 

Men onlaın formatta oqyp júrgenime qaramastan, ýnıversıtetpen biraz tanysyp úlgerdim. Onyń úlken aýmaǵyn óziniń ınfraqurylymy qala ishindegi qalashyq erekshe: on úsh jataqhana, ártúrli fakúltetterge arnalǵan bólek ǵımarattar, sport kesheni, úlken stadıon, tipti tenıs korty. Alataýdyń samaly esip turǵan QazUÝ-da barlyq jaǵdaı jasalǵan, ekologıalyq talaptar saqtalǵan. Bul óz kezeginde osy shaǵynda stýdentterge jaıly atmosfera syılaıdy. 

Sonymen qatar oqýlyqtar, monografıalar, sırek kezdesetin kitaptar men merzimdi basylymdardyń áserli muraǵaty bar kitaphanany atap ótkim keledi. Sonymen qatar, bul muraǵatty elektrondy formatta kórýge bolady, bul da óte yńǵaıly. Budan basqa, QazUÝ-dyń stýdenttik emhanasy bar. Men bul jerge birneshe ret bardym, sondyqtan bári jaqsy deńgeıde dep aıta alamyn.

Óndiristik tájirıbeden baspadan óttim. «Qazaq ýnıversıteti» baspa úıi. Iá, bul ýnıversıtettiń óz baspa úıi, ol ýnıversıtet qyzmetkerleriniń barlyq salalary boıynsha: ǵylymı, oqý, ádistemelik jáne kómekshi ádebıetter shyǵarady. Sonymen qatar, QazUÝ-dyń da óz áskerı kafedrasy bar, onda men granttyq negizde oqýǵa múmkindik aldym.

Qazir men baspa isiniń 2-kýrsynda oqımyn. Jýrnalısıka fakúltetinde qalpyna keltirý jumystary júrip jatqandyqtan áli de oqytý onlaın formatta ótip jatyr. Osy tusta árıne ýnıversıtet oqytýshylary men stýdentteriniń jaılylyǵyna qamqorlyq jasaıtyny qýantady. Ǵımaratty qalpyna keltirý jumystary aıaqtalyp, onlaın júıeden oflaın júıege nymmen qaýyshqym keledi. Shynaıy stýdenttik shaqty, qyzyqty ómirdi sezinetin kúnde alys emes.

Avtor: Sýıeýbekov Adılet Baýyrjanýly
Jetkshisi: Janserikova Nazken Janserikqyzy

---