InfoHub Logo

1934 jyly Almaty qalasynda qazirgi ál- Farabı atyndaǵy Qazaq Ulttyq Ýnıversıteti quryldy. Álemniń úzdik 150 joǵarǵy oqý oryndaryna kiretin jalǵyz qazaq ulttyq ýnıversıteti 16 fakúltet, sonyń ishinde 180 sala boıynsha mamandar daıyndaıdy. 10  synyptan beri QazUÝ joǵarǵy oqý ornyna tússem eken degen armanym osy jyly oryndaldy.

Alǵash QazUÝdy kórgen sátte aıtarǵa sóz tappaı qaldym. QazUÝgradtyń kórki atyna saı degenim - artyq aıtpaǵanym. QazUÝ-dyń terıtorıasy óte úlken jáne ár buryshy jap-jasyl aǵash pen kózdiń jaýyn alar gúlderge toly. QazUÝgrad aımaǵynyń aýdany 84 ga jerdi alyp  jatyr. Jataqhanasy, kitaphanasy, rektorat ǵımaraty men fakúltet kampýsteri úlken qalashyqta ornalasqan. Men sizderge tańdaýda uly oıshyl  ál-Farabı atyndaǵy Qazaq Ulttyq ýnıversıtetin tańdaýǵa keńes beremin.

Birinshiden, árıne, basqa ýnıversıtetterge qaraǵanda QazUÝ-da eń bilikti degen  4 myńnan astam profesor, doktor, ǵylym kandıdattary, 100-ge jýyq úlken akademıalardyń akademıkteri,  Qazaqstan Respýblıkasynyń 40-tan astam eńbek sińirgen qaıratkerleri, QR Memlekettik jáne ataýly syılyqtarynyń 40-qa jýyq laýreattary jáne jas ǵalymdar syılyqtarynyń 40 laýreattary, Memlekettik ǵylymı stıpendıalardyń 47 stıpendıattary jumys jasaıdy. QazUÝ quramyna kolej, biliktilikti arttyrý ınstıtýty, 67 mamandyq boıynsha doktorlyq dısertasıalardy qorǵaý boıynsha 25 mamandandyrylǵan dısertasıalyq keńes kiredi, ýnıversıtette 40 myńnan astam stýdentter, magıstranttar men doktorlar oqytylady. Ǵylymı ınfraqurylymǵa 11 ortalyq kiredi. Ýnıversıtette joǵary kásiptik bilim berýdiń kóp deńgeıli júıesi boıynsha 25 myńnan astam stýdentter men magıstranttar oqıdy. Birlesken halyqaralyq oqý baǵdarlamalaryn iske asyrý, stýdenttermen almasý jáne taǵylymdamalar ótkizý boıynsha álemniń 418 iri halyqaralyq joǵary oqý oryndarymen qarym-qatynas qurylýda.

Ekinshiden, QazUÝ aımaǵynda úlken kitaphana, stýdentter saraıy, botanıkalyq saıabaq pen sporttyq keshen, stadıon, aýrýhana, dárihana, “Keremet” stýdentter ortalyǵy,, dúkender men ashanalar bar. Jataqhana QazUÝgradta ornalasqandyqtan sabaqqa baryp-kelý óte yńǵaıly. Stýdentterge beriletin jataqhana óte úlken. Jáne de bólmeleri jaıly ári jyly. QazUÝ stýdentteri úshin arnaıy tegin vaı-faı jelisi beriledi. QazUÝ-da oqýdan bólek 9 uıym belsendi. Ár uıym ózin betinshe erekshe. Biri ǵylymı baǵyttaǵy jumystardy atqarsa, ekinshisi sizdiń shyǵarmashylyǵyńyzdyń órleýine jol salady. Sonymen qatar, QazUÝ qaıyrymdylyq fondtary men eriktiler lıgasy jyl saıyn kóptegen qoǵamdyq is-sharalarda kóshbasshylyqta júredi. Odan bólek, QazUÝ-da jaıdarmar, bı, án, ınstrýmental jáne taǵy da basqa óner ortalyqtary sizdiń talantyńyzdyń odan ári ashylýyna septigin tıgize alady.

Qorytyndylaı kele aıtqym keletini, QazUÝ meniń ómirimdegi eń úzdik tańdaýlardyń biri boldy. Men álemniń úzdik ýnıverstteri ishinde sheteldiń Kembrıdj, Garvard, MIT sekildi joǵarǵy oqý oryndarymen birge turǵan QazUÝ-dyń stýdenti ekenime maqtanamyn. Z.Qabdolov, Á.Kekilbaev, M.Maǵaýın, Q.Myrza Áli, D.Isabekov, J.Erman, O.Súleımenov, T.Moldaǵalıev, Ó. Aıtbaev sekildi túlekteri bar bilim oshaǵynda oqyp, bilim alý óte úlken mártebe.  88 jyldyq tarıhy bar altyn orda talantty  da talaby zor jastardy kútedi!

Avtory: Ońdasynova Karına, jetekshisi: Ýrazgalıeva S.A.

---