InfoHub Logo

Tehnologıa (qyzdar toby)
Synyby: 6 á jáne 6 b synybynyń qyzdary
Maqsaty: Qolónerdi tereń meńgere otyryp, qabiletin ushtaý jáne qolónerdi túsinip, joǵary baǵalaýǵa, dástúrimizdi qasterleýge tárbıeleý.
Kórnekiligi: Plakattar, naqyl sózder, oqýshylar kórmesi, gúl shoqtary.
Sabaqtyń túri: Dástúrli emes, saıys sabaq.

Sabaq barysy:
«Óner degenimiz - adamnyń boıyndaǵy qabilettiń eń bıik kórinisi» (Lev Tolstoı)

Al, kimniń óneri bar qanshalyqty,
Kilemge bireýleri órnek sapty.
Terme ustap, endi biri shı orasa,
Oıýdan túıin túıip tamsantypty...- deı otyra saıysymyzdy bastaıyq.

Saıysymyz tómendegideı retpen ótpekshi:
Toptyń ózin tanystyrýy
Óner, eńbek, sheber týraly maqal - mátel
Jumbaqtar shesheıik
Kórmege baraıyq
Kórinis – (úı tapsyrmasy)
Sán kórsetilimi
Án - bı óneri
Ulttyq kıim dızaıny (kóılek, etik t. b.)
Qıaldan shyqqan týyndy

İ. Toptyń ózin tanystyrýy.
- toptyń aty, urany, áni.
- toptyń emblemasy, onyń maǵynasy, qorǵaý.
- plakat shyǵarý, onyń bezendirilý sheberligi.
İİ. «Ken asyly - jerde
Sóz óneri - elde» - demekshi óner, eńbek, sheberlik, iskerlik jaıly ár toptyń maqal saıysy ( 20 maqal )
İİİ. Jumbaqtar shesheıik atty kezekti saıysymyzǵa ár top 10 jumbaqtan ákelgen eken, sony tamashalaıyq.
İV.« Kilem syry túginde,
Kesteniń syry túrinde» - demekshi erke qyzdarymyzdyń óz qoldarymen jasaǵan toqyma qolóner kórmesin tamashalaıyq.
2 toptyń ekskýrsovod qyzdarynyń sóz sheberligi, kórmesi baǵalanady.
V. Qyzdarymyzdyń taǵy da bir óneri ertegi, ańyzdar jelisimen alynǵan tárbıelik mańyzy bar kórinisin tamashalap kórsek... («Bir ýys maqta»,
«Qumyrsqa men shegirtke»)
VI. Symbatyna sán kıim jarasatyn
Aspandaǵy aımenen talasatyn.
Ónerine symbaty saı kep turǵan,
Qyzdaryma qyzyǵyp qarasasyń.
Al, endeshe, sán kórsetilimin baǵalap kóreıik.
(Qyz balanyń ózine jarasymdy, óz jasyna saı kıimdi kıip, ony kórermen aldynda ádemi júrisimen kórsete alýy baǵalanady).
VII. «Qol óneri - kilemde,
Sóz óneri - óleńde,»- demekshi qyzdarymyzdyń án aıtý, bı bıleý óneri de bar eken.
VIII. «Ulttyq kıim dızaıny»- saıysy boıynsha ár top óz úlgilerin usynýy kerek. ( túrli - tústi qaǵaz, jelim, qaıshy, tabıǵı zattar nemese mata qaldyqtary)
IX. «Qıaldan shyqqan týyndy»- taratylyp berilgen sanaýly zattardan óner týyndysyn jasap shyǵarý. 2 mın. (Ár toptyń qıal ushqyrlyǵy baǵalanady)
Al, búgingi saıysymyzdyń qorytyndysyn shyǵarý úshin ádilqazylar alqasyna sóz bereıik.
X. Qorytyndy sóz. Marapattaý, madaqtaý.