InfoHub Logo

Alǵashqy tárbıeniń ýyzyn qyz bala óz otbasynan boıyna sińiredi. Otbasynda berilgen tárbıe onyń bolashaǵyna zor áser etedi. Sodan bolar, halqymyz "tárbıe-tal besikten" degen eken. Sonymen, zamanyna qaraı qoǵam ózgerip tárbıe ortasyda keńeıdi. Desek te, ulttyq qundylyqtarymyzdy berik saqtap urpaǵymyzǵa sanaly, salaýatty tárbıe berý mańyzdy. Qazirgi zaman aǵymyna qaraı qyzdarymyzdyń tárbıesi ózgergeni anyq. Qyz balanyń júris-turysy, kıim úlgisi tárbıeniń belgisi bolyp sanalady. 

Qazaq halqy qaı kezde de qyzdyń taǵdyryn, qyzdyń tárbıesin joǵary qoıǵan. Ultymyz qyz balany ardaqtap ustaǵan, erkelete otyryp, esirtip jibermegen. nyń bolashaǵy úshin, jaqsy áýletke kelin bolý úshin baryn salǵan. Baýyrjan Momyshuly atamyz bir sózinde: «Qyz balanyń myna ómirdegi mindet-paryzynyń júgi aýyr, ári ardaqty. Ol – adamzat urpaǵyn ómirge ákeletin bolashaq ana, úı ustap, jar kútetin adal jar, ata-ene syılap, ıiletin qamqor kelin» degen eken. Qyz balanyń kıingen kıimi, sóıleý máneriney-aq onyń aldymen bergen ata-anasynyń tárbıesin baıqaımyz. Durys tárbıe, taǵylym berý - ata-ananyń mindeti. Qyzyńyzdy tárbıeleńiz, qurmetteńiz. 

Qazir ınternette mektep oqýshy qyzdardyń bir-birimen shash julysyp, aıaýsyz soqqyǵa jyqqany, eki oıy endi ǵana pisip jetilgen qyzdardyń aıaǵy aýyr bolýyn estip jatyrmyz. Bul jaıtqa kim kináli? Buǵan áý bastan tárbıe-taǵylym úıretpegen ata-ana kináli me? Álde boıyna tárbıeni sińirmegen boıjetken kináli me? Qyz balanyń oǵash qylyq kórsetýi áke mahabbaty, meıirimdilik, jylýlyq  kórsetilmegennen paıda bolady. Qyz degen názik jaratylys. Otbasyda ákelik mahabbat, qamqorlyq, kóńil bólip otyrǵan abzal. Sebebi, úıde jylýlyq sezinbegen qyz meıirimdilikti aınaladan emes, aıdaladan izdeıtin bolady… Qoryta kelgende, boıyna namys oty oınaǵan, ımandy da ınabatty qazaqtyń tekti qyzdary kóp bolǵaı!

---