InfoHub Logo

1 mamyr birlik kúni — Qazaqstan halqy úshin eń iri merekelerdiń biri. Elimizdiń barlyq óńirlerinde derlik 1 mamyr toılanady. Maqsaty, el ishindegi túrli ult pen din ókilderiniń bir-birine degen syı-qurmetin arttyryp, tatýlyqty, birlikti, ortaq qundylyqtardy nasıhattaý.

«Birlik bolmaı tirlik bolmas» degen babamyz. Berekeni kózdegen el merekeli tirlik jasaýdan jalyqpaǵan. «Bereke bastaýy birlik, el ishi tatý tirlik» qaǵıdasyn ustanǵan el úshin bul meıramnyń orny erekshe

Jyl saıyn ataýly merekede Qazaqstan aýmaǵynda turyp jatqan 130-dan astam ult pen ulys ókilderi kıeli qara shańyraqta tatý-tátti, bereke men birlikte, beıbitshilik pen yntymaqta ómir súrip jatqandyǵyn toılaıdy.

1995 jyldyń naýryzynda dúnıe júzine úlgi bolyp otyrǵan, ultaralyq tatýlyq pen turaqtylyqtyń fenomeni — Qazaqstan halyqtary Assambleıasy quryldy.

Bul eshbir elde bolmaǵan erekshe, saıası mańyzy zor qurylym. Assambleıa 365 múshesi, 471-den astam respýblıkalyq, óńirlik, oblystyq, qalalyq ulttyq-mádenı birlestikteri 500-ge jýyq kishi assambleıa músheleriniń bastaryn biriktirip, bizdiń ortaq úıimiz — Qazaqstanda shynaıy dostyqty qamtamasyz etip keledi.

Qazaqstannyń birligi kúni barlyq balabaqshalardan bastap, mektep, ýnıversıtetterde, kolejder men JSHS, jekemenshiktegi kásiporyndar men memlekettik uıymdarda aıtarlyqtaı atap ótiledi. Maqsaty — Qazaqstan halqynyń birligin nyǵaıtý, jastardy dostyq pen yntymaqtastyqta ómir súrýge tárbıeleý.

---