InfoHub Logo

Áýlıelerdiń biri basynan ótken isti bylaı dep baıandaıdy. Bir kúni Mekke Mýkarramada altyn salynǵan qaltashyǵymdy joǵaltyp aqshasyz qalǵan edim. Basradan aqsha kútip júrdim. Shashym saqalym qatty ósip ketken edi. Bir shashtarazǵa kirip bylaı dedim:

— Aqsham joq edi, Allah rızalyǵy úshin shashymdy qysqartyp beresiz be?

Shash alyp jatqan kisi ol kezde bir adamnyń shashyn alyp jatqan bolatyn. Qasyndaǵy bos oryndyqty kórsetip «mynaǵan otyryńyz!» dedi de, alyp jatqan adamyn tastap meniń shashymdy ala bastady. Oǵan ana adam ashýlanǵan syńaı bildirdi. Shashtaraz oǵan:

— Renjimeńiz aǵa! Sizdiń shashyńyzdy aqsha úshin alyp jatyrmyn. Al myna jigit Allah rızalyǵy úshin ótindi, Allah úshin bolǵan ister aldyńǵy qatarda turady jáne onyń quny bolmaıdy, ıaǵnı Allah úshin jasalǵan istiń saýaby óte kóp bolmaq, quldar ony óteı almaıdy.

Shashtaraz shashymdy qysqartyp bolǵan soń qınap qaltama birneshe altyn salyp: «Qajettilikterińe jaratasyń, múmkindigim osy ǵana, renjime» dedi.

Aradan birneshe kún ótip kútip júrgen aqsham keldi. Álgi shashtarazǵa bir qalta altyn aparyp bergenimde «múldem almaımyn» dep sózin bylaı dep túıindedi:

«Allah úshin jasalǵan istiń qunyn quldar óteı almaıdy demedim be? Jolyń ashyq bolsyn, Allahý ta’ala saǵan amandyq bersin».

Onymen razylyq alyp qoshtastym, biraq aradan 40 jyl ótti, oǵan áli de duǵa qylyp kelemin, oǵan duǵa etýden tyıyla almaı júrmin, túnderde de turyp oǵan duǵa etemin».

---