InfoHub Logo

Allanyń ǵalamaty sheksiz de shetsiz. Ár jaratylystar óz ereksheligimen áıgilenedi. “Adamzat”,  “tabıǵat”, “ań-qustar” meıli taǵy-taǵysynda tylsym kúshpen kórnektilendirip, óz qasıetterimen ómirlik bolymystaryn daralandyryp bergendi.

Adamzatqa aqyl-oı berse, ań-qustarǵa erkindik berip, al bárimizdi tabıǵat qushaǵyna táýeldi etti…Bir-birimen tylsym baılanysta jatqan osy bir ómirdiń jazylǵan zańynan eshkimde asyp kete almaıdy. Bul ómir zańy Allanyń jazymyshy. 

 Eskere keter bolsaq qazirgi kúnde biz osy ómir zańynyń arnasynan aýytqyp, óz ıdeıamyzben qoldan jasap alǵan zańdarǵa baǵynyshty bolyp baramyz.

Esterińizdeme?

Ótkende alty tal qyzǵaldaq úshin toǵyz mıllıon aıyp pulǵa qalǵan aǵamyzdyń ashynyshty jaǵydaıy barsha jurtty bir dúrliktirip alǵany... sol áńgimeden keıin osy jaǵydaı maǵan qatty bir oı salǵan edi.

Qyzǵaldaqtyń ǵumyry tym názik qoı.

Kóktemmen birge gúl ashyp, kúz kele kórkinen aıyrylatyn osy bir gúl shoqtary Allanyń tabıǵatqa sılaǵan sıy. Qyzǵaldaqty adam qolymen julmasada, tabıǵattyń qubylysymen, maýsymdardyń almasýymende sabaǵynan úzilip qalatyny aıdan anyq.

Árıne. Qorshaǵan ortamyzdy qorǵaýymyz durys. Biraqta, qorǵaýdyń jóni osy eken dep bir tal jabaıy qyzǵaldaqtyń qunyn bir jarym mıllıon dep baǵalaý tym masqara. Memileketimizdiń zańymen sóıler bolsaq, bir qyzǵaldaq quny úsh adamnyń qunyna teń keledi. 
Sonda adam quny jabaıy gúldende quny tómen bolǵany ma?

Bul týraly ótkende Almaty qalasynda ozdyrylǵan asyl dombyra aıtysynda Nurlan aǵamyzda:«jerdiń bárin jat elderge satyp berip, jer betindegi qyzǵaldaqty qorýyń kimge kerek?» degen óleń shýmaqtaryn aıtyp kórermen kóńiline ádemi oı salyp bergen bolatyn. Jat tabanyna ketip jatqan jerdi joqtamaı jelmen birge joǵalar gúldi joqtaý shynymen kúlkili jaǵydaı ǵoı!...

-Jaraıdy. Munyń bárin qoıa turaıyq.

Qyzǵaldaqty da qorıyq. Oılap qarańyzdarshy qyz ǵumyry qyzǵaldaqtyń ǵumyryndaı názikte kórkem ǵoı. Endeshe osy náziktiktiń narqy qansha? 

Myna qara túnek qaptap bara jatqan qoǵamda qyzǵaldaqtaı sabaǵynan úzilip jatqan qyzdar qanshama? …

Solardyń taǵdyryn kim oılap, kim qunyn eskerdi?... Negizigi aıtar ıdeıamda osy bolatyn.Qyzdardyń taǵdyryna balta shapqan keıbir esersoqtarǵa qaraǵanda, gúl julǵan aǵamyzdyń qylmysy nege turmaq?... 

Qyzǵaldaqtyń ǵumyryn qoryp, qunyn kesken aǵalarymyz, endi qashan qyz taǵdyryn qorǵap, qyzdyń qunydylyǵyn eskeredi eken? …

Gúljan Yhylasqyzy. Q.A.Iasaýı atyndaǵy HQTÝ stýdenti

---