Qyzy bar jalǵyz úıde jeke jatqan,
On somdyq ylǵı altyn sholpy taqqan.
Bilimsiz kóp nadannyń biri bu da,
Nesi artyq boıap koıǵan qýyrshaqtan?

Qyzdyń da kútýshisi bir talaı jan,
Kórki joq kórgen kisi kalatyn tań.
Kútingen kúnge tımeı boıama bet,
Tákappar, doǵal sózdi, minezi pań.

Sol qyzdan basqa ul joq tuqym bolar,
Ie joq baq-dáýletin ustap turar.
Dese de qansha balam — qyz-jolaýshy,
Qashan keter, kim bilsin, qaıda qonar.

Erke qyz neshe jyldaı baı tańdady,
Omby, Semeı arasyn saıqaldady.
Kóńil súıip kezdesken keıbir jastar,
Azýly atasyna aıta almady.

«Alamyn, qushamyn» dep kyzyqqan kóp,
Shal ólse malyna ıe bolalyq dep.
Mal menen jasaý bolsa boldy olarǵa,
Bilim menen sanaly oı nege kerek!

Sol qyzǵa ótken jyly Asyl keldi,
Kazaqtan «zor oqyǵan» masyl keldi.
«Búkil kazaq taǵdyry óz qolymda»,—
Dep edi, qyz da kónip basyn berdi.

Qyz qandaı jigit kandaı teńin tapqan,
Dáriptep qalyń elge qylǵan maqtan.
Bulardyń bar jumysy — túske deıin
Aq úıde qushaqtasyp uıyqtap jatqan.

Besinde uıqy qanyp turar zorǵa.
Taranyp, kúnde jańa kıer torqa.
Qolynan is bop óner esh nárse joq
Sózbenen barlyq taǵdyr osy qolda.

Bul-daǵy bir masyl ǵoı kedeı sorǵa,
Tek qana baılar úshin jaıly jorǵa.
Qulqynnyń quly bolyp ardan bezgen,
«Halqym» degen basshynyń isi sol ma?!

Sondaılyq «zor» kúıeýge qolyn artyp,
Qaqpas shal maktanady tasyp-shalqyp.
Sorpaǵa shyǵarlary solar bolsa,
Men ony quıar edim ıtke qalqyp.

---