Qyzyl ıt seni bilemin
Qojanasyr bazardan kele jatyp bir jigitke jolyǵady.
— Bazarda ne qymbat eken? — dep suraıdy Qoja.
Jigit:
— Quıryǵyn kesken sholaq sıyr qymbat, — deıdi.
Bul sózdi esitken Qoja úıindegi jalǵyz sıyrynyń quıryǵyn kesip tastap, qanyn aǵyzyp, bazarǵa alyp barady. Bazarda quıryǵy joq, ózi aýrý sıyrǵa eshkim de qaramaıdy. Biraq sıyrdyń quıryǵynan saýlap aqqan qanǵa ıtter jaqyndaı túsedi. Ásirese bir qyzyl ıt izinen qalmaı ere beredi.
Qojanasyr:
— Meniń sıyrymdy kisiler saýdalamaǵanmen, ıtter saý- dalaıdy-aý, — dep oılaıdy. Súıtip sıyryn soıyp, bazardaǵy bar ıtke bólip beredi. Soıyp bolyp jaqyndaı túsken baıaǵy qyzyl ıtke:
— Qyzyl ıt, seni bilemin, aqshamdy sen beresiń, — deıdi.
Bir kúni bazarda júrgen qyzyl ıttiń sońyna túsip qýa jóneledi. (Árıne, sıyrdyń etine serik bolǵan qyzyl ıt pe, basqa ma, ony da bilmeıdi). Ary qýady, beri qýady, ıt sharshamaǵan soń bir taý bókterindegi úńgirge kiredi. Qoja ıt kirgen úńgirdi qazady. Ittiń quıryǵy qolyna ilingen kezde, quıryǵynan tartyp sýyryp alady. Ittiń tyrnaǵyna bir túıinshek ilinip shyǵady. Sheship qarasa altyn eken.
Qojanasyr ıtke:
— Burynyraq bere qoısań ǵoı, sen de tynysh, men de tynysh, bekerge bermeımin dep ary qashtyń, beri qashtyń, men jiberetin
be edim?! Sıyrymnyń qunyn aldym, — depti.
Aqyry Qoja:
— Qyzyl ıt, seni bilemin, — dep qyzyl ıtten sıyrdyń baǵasyn tóletip alypty.
El aýzynda «qyzyl ıt seni bilemin» degen maqal sodan qalǵan eken.
You Might Also Like
-
Ertede bir kedeı jol júrip kele jatyp, bir baıdyń úıine kirip keledi. Sol kezde baı úıinde tamaq jep otyr eken. Kedeı:
-
Bir kúni Qojanasyrdyń úıine qonaq kelip qalady. Qojanasyrdyń úıinde kishkene ǵana qazan bar eken. Bul kishkene qazanǵa pisirgen as qonaqtaryna jetpeıtin bolady. SondyqtanQojanasyr kórshiles otyrǵan ba...
