Qyzylordalyq oqýshy kúrish ónimdiligin arttyratyn ǵylymı-joba ázirledi
Qyzylorda oblysynyń jas ónertapqyshy Nurjanbek Qurmanbek kúrishtiń ósimin bes ese arttyratyn ǵylymı-jobany usyndy.
Nurjanbek Qurmanbek Qyzylorda qalasyndaǵy Nazarbaev Zıatkerlik mektebiniń 8-synybynda oqıdy. Ol jańa jobany mektep zerthanasynda synaqtap ótkizip kórdi. Onda «fıtop tyńaıtqyshy» dep atalatyn bıologıalyq preparat qoldanyldy. Atalmysh tyńaıtqysh kúrish daqylynyń ósýine oń áser etedi. Tájirıbe nátıjesinde tyńaıtqysh kúrishtiń ósýin 5 esege jáne ónimdiligin 3-4 paıyzǵa arttyratyny anyqtaldy.
«Bul preparatty paıdalaný ekonomıkalyq turǵydan tıimdi. Sondaı-aq, ol Syr óńiriniń klımattyq jaǵdaıyna da qolaıly», - dedi Nurjanbek Qurmanbek.
Jaqynda ol Almatyda ótken respýblıkalyq ǵylymı jobalar saıysyna qatysyp, úshinshi orynǵa ıe boldy. Saıys barysynda Qyzylorda qalasyndaǵy Nazarbaev Zıatkerlik mektebiniń basqa da oqýshylary júldeli oryndarǵa qol jetkizdi. Atap aıtqanda, Araılym Ómirbekqyzy «Etnomádenıettaný» seksıasynda joba qorǵap, İ orynǵa taban tiredi. Al Vladımır Ýsolsevtiń «C#» baǵdarlamalaý tilinde landshaft generatory ekinshi oryn aldy. Sondaı-aq 11-synyp oqýshysy Baqnur Amangeldiniń túrkitanýshy Ishtvan Qońyr Mandokıdiń ómiri men qazaq ádebıetine qosqan úlesin zertteý nátıjesi úshinshi orynǵa laıyqty dep tanyldy.
You Might Also Like
-
Aqtoǵaı óńirinde Bozdaqtyń Áýbákiri degen aqsaqal júzge qaraǵan shaǵynda qaıtys bolǵan. Bul kisi el aýzyndaǵy ertegi, qıssa, ańyzdardy bilýmen qatar, óz janynan da birer aýyz qaǵytpa sózder shy...
-
Kreatıvtilik — jaýaby tabylmaǵan jumbaq. Neıroǵylymnyń úlken jetistikterine qaramastan, ǵalymdar kúni búginge deıin adamdarǵa qalaı taptyrmas ıdeıalar keletinin túsindire almaı dal. Bir qyzyǵy...
