Qyzylordalyq oqýshylar egin alqabyn únemdi sýarý ádisin oılap tapty
Qyzylorda qalasyndaǵy Nazarbaev Zıatkerlik mektebiniń 10-synyp oqýshylary Sánıa Muratova men Jansaıa Ótepbergenova egin alqaptaryna ketetin sýdy únemdeýdiń tyń ádisterin oılap tapty. Osy maqsatta arnaıy qurylǵy jasaldy.
Ónertapqyshtar qazir egis alqaptarynda tamshylatyp sýarý tehnologıasy adamnyń qatysýymen júzege asatynyn aıtady. Osyǵan baılanysty olar tamshylatyp sýarý tehnologıasyn tolyqtaı avtomattandyrýǵa bolatynyna nazar aýdardy. Ázirge atalǵan joba shaǵyn maket retindegi qurylǵyǵa aınaldyrylǵan. Sol arqyly tájirıbeden ótkizilýde.
«Bul jobada 3 túrli dachık qarastyryldy. Nátıjesinde ylǵaldylyqty anyqtaý, kún sáýlesiniń túsýin qadaǵalaý jáne aýa temperatýrasyn esepteýge nazar aýdarylady. Olardyń jumys jasaýy eskerile otyryp, arnaıy qurylǵy ornatyldy. Atalǵan joba syrtqy faktorlardy eskere otyryp jasalǵan. Ósimdikke qolaıly jaǵdaı týyndaǵan kezde ǵana konveıer iske qosylady», - dedi Sánıa Muratova.
Joba negizinde egis alqaptaryna ketetin sýdyń kólemin 30 prosentke deıin únemdeýge bolady. Aldaǵy ýaqytta qurylǵy úlken kólemde qurastyrylyp, ol mektep aýlasynda tájirıbeden ótkiziledi.
You Might Also Like
-
QR Úkimetiniń 2022 jylǵy 9 qarashadaǵy ókimimen Ulttyq ǵylym akademıasyn qaıta uıymdastyrý jónindegi memlekettik komısıa quryldy.
-
17 qarasha 2022 jyly ál-Farabı at. Qazaq Ulttyq Ýnıversıteti, Fılosofıa jáne Saıasattaný fakúlteti, Jalpy jáne qoldanbaly psıhologıa kafedrasynyń uıymdastyrýymen pedagogıka jáne psıhologıa ǵylymdary...
