InfoHub Logo

Mektep bitirgennen keıin ár adamnyń aldynda ómirindegi eń mańyzdy sheshimderdiń biri – tańdaǵan salasyna, mamandyǵyna saı oqý ornyn tańdaý turady. Jáne de bul eń mańyzdy sát! Árbir adam óz mamandyǵyn sanaly túrde tańdap, bolashaqta kim bolǵysy keletinin ózi úshin sheshýi kerek. Mende sol sekildi ózimniń nazarym aýǵan, kóptiń armany bolǵan ál-Farabı atyndaǵy Qazaq ulttyq ýnıversıtetine toqtadym. Nege Kazuý degen suraqqa jaýap bersem. 1934 jyly elimizdiń eń aldyńǵy qatarly ýnıversıteti, ál-Farabı atyndaǵy Qazaq ulttyq ýnıversıtetiniń irgetasy qalandy. Búgingi kúni ýnıversıtetimizde 20 000-ǵa jýyq stýdent bilim alady. On alty fakúltetten turatyn ýnıversıtette úsh myńǵa jýyq profesor-oqytýshylar quramy stýdentterge bilim berip keledi. Mekemeler kóp jyldyq oqý jáne jumys tájirıbesine baı. Ál-Farabı atyndaǵy QazUÝ Qazaqstannyń joǵarǵy oqý oryndarynyń bas reıtıńisiniń kóshbasshysy bolyp tabylady. El tarıhynda tuńǵysh ret Qazaqstan Respýblıkasy Prezıdentiniń «Sapa salasyndaǵy jetistikteri úshin» syılyǵynyń laýreaty, qyzmetteriniń sapasy jaǵyndaǵy jetistikteri úshin Táýelsiz Memleketter Dostastyǵy syılyǵynyń dıplomanty IQNET Halyqaralyq sertıfıkasıalyq júıesiniń iri álemdik sertıfıkattaý ortalyqtarynyń kýáligin aldy.

Eń aldymen Ál Farabı atyndaǵy qazaq ulttyq ýnıversıteti – elimizdegi ǵana emes , álemge de óziniń bilim , ǵylym deńgeıimen áıgili ýnıversıtet. Álem ýnıversıtetteri boıynsha 150-shi qatarda. Qala ishindegi «Kazgýgrad» qalashyǵy dep atalyp ketken qutty mekende stýdentterdiń bilim alýyna barlyq múmkindik jasalǵan. Ó. Joldasbekov atyndaǵy 1600 oryndyq stýdentter saraıy, TMD elderindegi jalǵyz úlken aýqymdy «ál-Farabı» kitaphanasy, sportkesheni men stadıon, jańa ǵımarattar, áskerı kafedra, tehnopark, 5000 stýdentke arnalǵan stýdentter úıi, medısınalyq ortalyq jáne stýdentterge qyzmet etý ortalyǵy stýdentter ıgiligi úshin qyzmet jasap otyr. Stýdentter saraıynda ónerli stýdentterge arnalǵan stýdentter klýby jumys atqarady. Stýdentter klýbynyń daryndy músheleri talaı baıqaýlardyń jeńimpazdary. Ýnıversıtetimizde dástúrli túrde «Jalyn» birinshi kýrs talanttaryn anyqtaý (qazirgi tańdaǵy «Farabı Fest» ), «Stýdenttik kóktem», KVN, «Ana tili arýy-Jigit sultany» sıaqty baıqaýlar joǵary deńgeıde ótkizilip turady. Sonymen qatar ýnıversıtetti kórkeıtetin, jastardyń uıymdastyrýshylyq qabiletin ashatyn ártúrli uıymdar qyzmet jasaıdy. Atap ótsem «Suńqar» , «Kómek», stýdentter keńesi jáne t. b. Sondyqtan da men esh oılamaı, elimizdiń úzdik ýnıversıteti – Ál-Farabı atyndaǵy Qazaq ulttyq ýnıversıtetine túsý úshin qujat tapsyrdym. Meniń tańdaýym matematıka mamandyǵy boıynsha «mehanıka -matematıka» fakúltetine toqtaldy. Bul fakúltette matematıka ǵylymdaryn oqytý salasynda kóp jyldyq tájirıbesi bar joǵary kásibı oqytýshylar sabaq beredi. Men bul mamandyqty osy mamandyqtyń mańyzdylyǵy úshin tańdadym. QazUÝ – talantty, daryndy stýdentterdiń basyn biriktirip otyrǵan meken. Syılastyq pen shynaıy dostyqtyń mekeni, QazUÝ – ǵashyqtardyń mekeni. QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beretin meken. Sol sebepti de, men ózimniń QazUÝ-da júrgendigimdi ómirimdegi eń úlken sáttilik dep sanaımyn.

Mehanıka-matematıka fakúltetiniń 1-kýrs stýdenti: Ábdi Asylzat Talǵatqyzy

Fılologıa fakúltetiniń aǵa oqytýshysy Ýrazgalıeva S. jetekshiligimen

---