InfoHub Logo

Bilim berý salasy: «Tanym»
Uıymdastyrylǵan oqý is - áreketi: «Matematıka»
Taqyryby: «Qyzyqty matematıka»

Taqyryby: Qyzyqty matematıka. (matematıkadan qorytyndy sabaq)
Sabaqtyń maqsaty:
Bilimdiligi: Balalardyń san jáne sanaý, geometrıalyq pishinder, keńistikti baǵdarlaý, ýaqytty baǵdarlaý bólimi boıynsha jyl boıyna ótken bilimderin bekitý.
Damytýshylyǵy: logıkalyq oılaý qabiletterin jetildirý.
Tárbıeligi: Oıyndar arqyly matematıka sabaǵyna degen qyzyǵýshylyqtaryn arttyrý, shapshańdyqqa, tapqyrlyqqa úıretý.
Sabaqtyń ádis - tásilderi: suraq - jaýap, túsindirý, áńgimeleý
Sabaqtyń kórnekiligi: sandar, ártúrli fıgýralar, mýltımedıalyq taqta, sýretter.

Sabaqtyń júrý barysy:
Uıymdastyrý kezeńi:
Shattyq sheńberi: Armysyń, meıirimdi Aspan - Ata
Armysyń, qaıyrymdy Jer - Ana
Armysyń, shuǵylaly Altyn – Kún
Armysyń, balabaqsha, dos - jaran..
Jylýlyq sheńber.
- Tańerteń turǵan kezde analaryń qaıyrly tań dep aıta ma?
Káne, bizde qaıyrly tań tileıik.
- Qaıyrly tań kózderim, sender oıanyńdar!!!
- Qaıyrly tań qulaqtarym, sender oıanyńdar!!!
- Qaıyrly tań saýsaqtarym, sender oıanyńdar!!!
Kózderin, qulaqtaryn ýqalaıdy, qoldaryn shapalaqtaıdy.
- Jaraısyńdar, balalar, búgingi kúnimiz jaqsy bolsyn, ornymyzǵa otyraıyq.
- Búgin bizde qarapaıym matematıkalyq uǵymdar týraly ashyq oqý – is-áreketi.

Qyzyqtyrý sáti: Áýenmen «Bilim hanshaıymy» keledi.
Bilim hanshaıymy: Sálemetsińder me balalar!
Balalar: Sálemetsiz be!
Bilim hanshaıymy: Balalar men mektepten kelgen «Bilim hanshaıymymyn». Sizderdi mektepke barady dep estip keldim. Mektepke barǵylaryńyz kele me?
Balalar: Iá.
Bilim hanshaıymy: Olaı bolsa men sizderge qur qol kelgen joqpyn. Ózimmen birge sizderge tapsyrmalar ala keldim. Tapsyrmany durys oryndasańdar mektepke qabyldanasyńdar.
Tárbıeshi: Qosh keldiń Bilim hanshaıymy. Bizdiń balalar aqyldy jáne sizdiń bergen tapsyrmalaryńyzdy oryndaıdy. Siz jaıǵasyp balalarymyzdyń bilimin tamashalap otyryńyz.
Endeshe balalar Bilim hanshaıymy qandaı tapsyrma ákeldi eken qaraıyq.

1 - tapsyrma:
1. Jyldyń tórt mezgilin ata?
2. Qazir jyldyń qaı mezgili?
3. Bir jylda neshe aı bar?
4. Bir aptada neshe kún bar?
5. Búgin aptanyń neshinshi kúni?
6. Qazir táýliktiń qaı mezgili?

Oıyn: «Shardyń túsimen jyl mezgilin sáıkestendir»
(qyzyl, sary, aq, jasyl)

2 - tapsyrma: «Qandaı geometrıalyq pishinderdi bilesińder?»
Tárbıeshi: Balalar 2 - tapsyrmada bylaı delinipti: «Qandaı geometrıalyq pishinderdi bilesińder?» Aq qaǵaz betiniń ortasyna sopaqsha, sol jaq buryshynyń joǵarǵysyna úsh burysh, tómengi buryshyna tórtburyshty ornalastyr. Oń jaǵynyń joǵarǵysyna sharshyny, tómeńgi buryshyna sheńberdi ornalastyr.

Dıdaktıkalyq oıyn: « Qaı pishinge uqsaıdy?»
Sergitý sáti. Balalarǵa jáshikten ár túrli geometrıalyq pishinderdi tańdap alý usynylady, balalar áýenge qosylyp bıleıdi de, áýen toqtaǵanda qoldaryndaǵy geometrıalyq pishin boıynsha úshburysh, tórtburysh, sheńber jasap turady.
3 - tapsyrma:
1 - den 10 – ǵa deıin týra jáne keri sanaý Eki tilde sanaý.
Dıdaktıkalyq oıyn.. «Joǵalǵan san».
Sandardyń kórshisin tabý. (kýbıktermen)
(1 - den10 - ǵa deıin sandar boıynsha retimen turady, balalar kórshilerin tabady.)

Tárbıeshi: balalar kelesi tapsyrma keńistikti baǵdarlaý bólimi boıynsha kelipti, ıaǵnı «Mektepke aparar jol kartasyn beınele» dep atalady.
4 - tapsyrma: «Jol kartasyn beınele»
Aǵash, kún,, tas, gúlder, jol, mektep, úıler) t. b. sýretterdi ústel ústindegi jasyl mataǵa ózderiniń ornalasý reti boıynsha balalar japsyrady.

Tárbıeshi: Endi balalar Bilim hanshaıymynyń ákelgen sońǵy tapsyrmasyn qaraıyq.
5 - tapsyrma:
Logıkalyq esepter
1. - Dúkennen anam dóńgelek 2 dopty alyp keldi, onyń bireýin inime berdim. Mende neshe dop qaldy? (1)
2. - Qoıanda neshe qulaq bar. (qoıannyń sýretin kórsetý)
3. - Qolda qansha saýsaq bar? (saýsaqtardyń sýretin kórsetý)
4. Aǵashta 5 qus otyr, onyń 2 – ýi ushyp ketti, aǵashta qansha qus qaldy?
5. Sebette 2 alma, tabaqta 3 alma qosqanda barlyǵy bolady neshe alma?
Bilim hanshaıymy: Balalar sender meniń suraǵyma múdirmeı durys jaýap berdińder. Bir - birlerińe kómektesip óz bilimderińdi kórsettińder, endi sizderdi mektepke qýana - qýana qabyldaımyz. Endi men basqa balabaqshaǵa baramyn, saý bolyńdar.
Áýenmen «Bilim hanshaıymy» shyǵyp ketedi.

Qortyndy: Balalar, búgin qandaı tapsyrmalardy oryndadyq, qane, esimizge túsireıik. Biz endi pishinderdi bilemiz. (Birge qaıtalaý) 1 - den 10 - ǵa deıin týra jáne keri sanaımyz. (Birge qaıtalaý) Jyl mezgilderin bilemiz. Apta kúnderin bilemiz.
- Jaraısyńdar, balalar, bárimiz kelgen qonaqtarmen qoshtasaıyq.
Kóriskenshe kún jaqsy,
Saý salamat bolaıyq.

Komýnaldyq memlekettik qazynalyq kásiporyn
№33 «Kórkemaı» balabaqshasy
Eresek top tárbıeshisi
Esbergenova Saltanat Ashatovna