InfoHub Logo

Bilim berý salasy: «Qatynas» Uıymdastyrylǵan oqý is - áreketi: «Saýat ashý jáne jazý»
Taqyryby: «S» dybysy jáne árpi
Maqsaty:
Bilimdiligi: «S» dybysy men jáne árpimen tanystyrý. «S» dybysynan bastalatyn sózder aıtqyzyp, býynǵa bólýdi úıretý.
Tárbıeligi: balalardy uqyptylyqqa, eptilikke tárbıeleý.
Damytýshylyǵy: oıyn arqyly sózdik qorlaryn damytý.
Qoldanylatyn kórnekilikter: jumys dápteri, ATK

Uıymdastyrý kezeńi:
- Balalar bárimiz ortaǵa sheńber quraıyq. Bárimiz bir - birimizdiń qolymyzdan ustap alaqan jylýlaryn sezineıik. Qandaı tamasha?!
Shattyq sheńberi:
Sálem deımiz dostarǵa,
Sálem deımiz qurdasqa,
Sálem deımiz ustazǵa,
Sálem deımiz qonaqqa.
Aıymyz ashyq bolsyn,
Týymyz bıik bolsyn.
Halqymyz tatý bolsyn,
Balalar aman bolsyn!

Tárbıeshi:
- Balalar, búgingi ashyq oqý is - áreketin bastamas buryn, ótken áripterimizdi qaıtalap jibereıik. Balalar biz ótken oqý is - áreketinde qandaı dybyspen tanystyq?
Balalar: B dybysy men árpi.
Tárbıeshi: B dybysy daýysty ma daýyssyz dybyspa?
Balalar: Daýyssyz dybys.
Tárbıeshi: Qandaı tekshemen belgileımiz?
Balalar: Kók.
- Endeshe menimen «Sóz oıla, tez oıla!» oıynyn oınaǵylaryń kele me?
Balalar: Iá
Oıyn sharty: Balalar sheńber jasap turady, tárbıeshi qolyndaǵy dopty qaı balaǵa laqtyrsa, sol bala tárbıeshiniń ataǵan dybysyna tez sóz oılap, dopty keri laqtyrý kerek. (B - baraban, balta, bala t. b)
Tosyn sát. Esik qaǵylady. Hat tasýshy keledi.
Hat tasýshy: Bul №33 «Kórkemaı» balabaqshasy ma?
Tárbıeshi: ıá
Hat tasýshy: Osy balabaqshaǵa sálemdeme bar. Mine, sálemdemeńiz.
Tárbıeshi: Rahmet. Balalar, qarańyzdarshy mynanyń ishinde ne bar ekenin bilgileriń kele me? Balalar bul sandyq jáı sandyq emes sekildi. Bul «Sıqyrly sandyq» sekildi, sebebi qasynda ádemi kilti bar eken. Balalar «Sıqyrly sandyǵymyz» qulyptaýly eken. Balalar bul ádemi sıqyrly sandyǵymyzdy ashý úshin men sizderge jumbaq jasyramyn. Sol jumbaqtyń sheshimin tapsaq, sıqyrly sandyǵymyz ashyldy.
Jumbaq.
1. Zatyńdy aman saqtaıdy,
İshine adam batpaıdy. (sandyq)
Tárbıeshi: Iá, jumbaqty durys sheshtińder. Sıqyrly sandyǵymyz ashyldy. Balalar, bul ne?
Balalar: Saǵat.
Tárbıeshi: Durys aıtasyńdar, bul saǵat. Saǵat adamǵa ne úshin qajet?
Balalar: Ýaqytty bilý úshin.
Tárbıeshi: Durys aıtasyńdar. Saǵat sózin bárimiz birge aıtaıyqshy?
Balalar: Saǵat.
Tárbıeshi: Saǵat sózin aıtqanda basynda qandaı dybysty estip tursyńdar?
Balalar: «S» dybysyn.
Tárbıeshi: Búgingi bizdiń ótetin ashyq oqý is - áreketimizdiń taqyryby: «S» dybysy jáne árpi.
Beınejazba: sıqyrly álippe ashylyp, «S» dybysynan bastalatyn sózder aıtylady. «S»dybysy jaıly túsinik berý. «S» dybysynyń aıtylý artıkýlásıasymen tanystyrý.
Erin ezýge qaraı tartylyp, tis kórinedi. Til tisterge tıip, arasynan «s» dybysy qysylyp shyǵady.
- Qane, barlyǵymyz qolymyzdy ıegimizdiń astyna qoıyp «S»dybysyn aıtaıyqshy.
Barlyǵy birge «S» dybysyn qaıtalap aıtady.
-«S»daýyssyz dybys (balalar qaıtalaıdy).
- Daýyssyz dybysty qandaı tekshemen belgileımiz?
- Kók tekshemen belgileımiz.
-«S» dybysynan bastalatyn sózderdi atańdarshy.
- Saǵat, sábiz, syrǵa, saqına, sabyn.
- Jaraısyńdar, endi saǵat, sábiz degen sózderdi býynǵa bóleıikshi. Neshe býynnan, neshe daýysty dybystan turady.
- Sa - ǵat - eki býynan, eki daýysty dybystan turady. Sá - biz – eki býynnan, eki daýysty dybystan turady.
Oıyn: «Sıqyrly býyn».
Oıyn sharty: sózdiń alǵashqy býyny bar, ekinshi býynyn sýretke qarap taýyp aıtý. Mysaly: sa - byn, sa - ǵat, sa - daq.
Dáptermen jumys:
№1 tapsyrma. San, tas sózderine dybystyq taldaý jasap, tıisti tekshelermen belgileý.
№2 tapsyrma: Sýretterden «S» dybysy qaı sózderde kezdesedi? Sáıkestendir.
№3 tapsyrma: Sýrettegi zattardy ata. Syzba boıynsha býynǵa ból.

Sergitý sáti. (beınejazba)
Til ustarý jattyǵýlary:
Sa - sa - sa - ustap aldym masa.
Se - se - se - syndy neshe kese.
Es - es - es - pyshaqpen nan kes.

Oıyn «Dybysty anyqta».
Oıynnyń sharty: Balalar oryndaryn turyp, tárbıeshi «a» dybysynan bastalatyn sózder aıtqan kezde qoldaryn shapalaqtaıdy, al «s» dybysynan bastalatyn sózder aıtqan kezde aıaqtaryn topyldatady.
- Balalar, «S» dybysyna baılanysty taǵy bir oıyn oınap búgingi ashyq oqý is - áreketimizdi qorytyndylap jibereıik.

Oıyn: «Kim tez oılaıdy?».
Oıyn sharty: Ústel ústinde turǵan zattardyń ishinen, oıynǵa shyqqan bala «S» dybysynan bastalatyn zatty tańdap alyp, atyn ataý jáne sol sózge sóılem quraý. Oıynǵa shyqqan bala syrǵany alyp «Bul syrǵa, syrǵa sózi - s dybysynan bastalady. Syrǵany anam taǵady» dep sóılem quraıdy.
Ashyq oqý is - áreketine jaqsy qatysqan barlyq balalardy madaqtaý.
Ortaǵa kelip turaıyq,
Sheńberdi biz quraıyq.
Kóriskenshe kún jaqsy.
Saý - salamat bolaıyq!

Komýnaldyq memlekettik qazynalyq kásiporyn
№33 «Kórkemaı» balabaqshasy
Eresek top tárbıeshisi
Esbergenova Saltanat Ashatovna