InfoHub Logo

Sadyr ata — Qoja Ahmet Iasaýıdyń aǵasy, ol áýlıe adam bolǵan eken. Qoja Ahmet Iasaýıdiń balasy jas bolsa da, ańǵa qumar bolypty. Qarasúıir taýyn jaılaǵan bir rýly elmen Qasen shaıyq áýleti taý ózeniniń sýyn úshke teń bólip, egin egip kún kórip júripti. Birde Áziret Sultannyń balasy sadaqpen ań aýlap júrgende, onyń sadaǵynyń eki jebesi Qarasúıir rýynyń qulaq aryǵyna qadalyp, sýǵa bóget bolypty. Qarasúıir rýynyń sýshysy nege sý bolmaı qaldy dep kelse, saǵadan eki sadaq oǵyn kóredi. Tómengi jaǵynda sadaqpen ań aýlap júrgen Áziret Sultannyń balasyna kelip:

— Mynaý ne? — depti. Bala:

— Men bilmeımin, — degende, álgi sýshy qolyndaǵy ketpenmen balanyń basyn shaýyp, denesin sonda tastaıdy. Basyn legenge salyp, betine aq shúberek jaýyp, Áziret Sultanǵa:

— Mynaý bizdiń Qarasúıir adamdarynan saýǵa, — dep aldyna qoıady.

— Eı, beıádep, pispeı úzipsinder, — deıdi Áziret Sultan.

Sonda Sadyr shaıyq qylyshyn sýyryp, tura umtylǵanda, Áziret Sultan ony toqtatyp.

— Men dýa etemin, barsań rıza emespin, qylysh jumsama! — deıdi. Buǵan Sadyr shaıyq ókpelep, Qoılaqy ata jaqqa ketedi.

— Eginiń julma bolsyn, qaýynyń alma bolsyn, kótenińe quıryq shyqsyn, tuqymyń sóıtip qurysyn! — dep Áziret Sultan Qarasúıir áýletine qarǵys aıtqan eken. Sodan olar azyp-tozyp ketken.

---