InfoHub Logo

Qoja esegin bazarǵa alyp shyǵyp, ótkizip ber dep deldalǵa ustatady. Álgi anturǵan esekti jetektep arly-berli júrip:

— Esegimniń tórt aıaǵy teń jorǵa, minip kele jatyp, shaı ishseń, shaıqalmaıdy, ózi jýas, ózi jas, tal boıynda mini joq, — dep jar salady.

Qojanyń esegin satyp alýshylar kóbeıip, baǵany birinen biri asyryp berip, tipti kóterip jiberedi. «Meniń esegim netken jaqsy edi. Osyny nege ózim satyp almaımyn», — dep oılaǵan Qoja, qyza-qyza basqalardan baǵany asyra aıtady. Aqyry, aqshany qolma-qol sanap berip,
esegin ózi satyp alady. Keshke osy oqıǵany áıeline syr etip aıtqanda, áıeli:

— Men de bir búgin tegin oljaǵa keziktim, — deıdi. — Bireý bizdiń úıdiń janynan bir shelek qaımaq alyp ketip bara jatyr eken. Toqtatyp, qaımaq ólshetip jatqanymda, baıqatpaı bilezigimdi tarazynyń tasy jatqan basyna sala qoıdym da, sonsoń bir aıaq qaımaqty aldym da zytyp berdim.

Muny estigen Qoja:

— Qatyn, óstip men túzden, sen úıden qarmap, sharýamyzdy biraz jóndep alaıyq, — depti.

 

---