InfoHub Logo

Qoja el aralap júrip, bir sarań baıdyń úıine túsedi.

— Úıde tamaq joq, bar bolsa, ózimniń de ishkim kelip otyr, — dep baı aýzyn qý shóppen súrtip, qudaıy qonaqqa dám tattyrǵysy kelmeıdi. Sonda Qoja:

— Men kespe jasaı qoıaıyn, — dep qazanda qaınap turǵan sýǵa tuz salyp jáne ojaýdy batyryp aralastyra bastaıdy. Ojaýdan kespe isteýdi úırenip al, — dep baıǵa ázil-ospaq aıtady. Paıdaly is bolsa, úırenip alaıyn, — dep baı qazannan kóz almaı qarap otyrady. Birazdan soń Qoja qazandaǵy sýdy tatyp kórip:

— Jaman kespe bolatyn túri joq, biraq myna ojaýmen kópten maıly sorpa sapyrylmaǵan eken, kespeniń azdap qatyǵy jetpeı tur. Baı bolsań da, jalǵyz ojaýyńdy asqa jaryta almapsyń, — dep, Qoja baıdy taǵy da qaǵytady.

Qoja sózi namysyna tıgen baı ornynan turyp:

— Ojaý asqa jarymasa, ishken-jegenin boıyna sińire almaı júrgen ózi daǵy, áıtpese aýzy astan ketpeıdi, — dep kebejeden bir tilim alyp, qazanǵa tastaıdy.

Et qaınap, pise kelgende, Qoja taǵy da sorpanyń dámin tatyp:

— Azdaǵan un men pıaz bolsa, kespeniń tóresi bolǵaly tur eken, — deıdi. Baı Qojanyń taǵy bir sheneýine ushyrarmyn dep oılap, bul aıtqanyn da ákep beredi. Al Qoja bolsa, ózi istegen kespege toıyp alyp:

— Baıeke, mynaý ojaý seniń qazan-oshaǵyńa nuqsan keltiretin, ataq-abyroıyńdy aıaqqa bastyratyn dúnıe eken, mu- nyń orny kúl basy bolý kerek, — dep ojaýdy eki búktep, otqa laqtyryp jiberip, úıden shyǵyp júre beripti.

---