InfoHub Logo

Qojanasyrdyń úıine bir kúni kórshisi kelip: «Qojeke, shashymdy alyp bere qoıshy», — depti. Qojanasyr «qup» dep shash alatyn ustarasyn ala sala, shashyn sypyra bastapty. Basynyń aýyrǵanyna shydaı-shydaı, aqyry shydamy ketken kórshisi:

— Qojeke, ustarańdy qaırap al, ótińkiremeıtin kórinedi, — depti. Qojanasyr:

— Qup! — dep jalma-jan qaırap alyp isine qaıta kiriskeninde, ustarasynyń ótkirligi sondaı bolypty, tipti qoly bıleı almaı, basynyń ár jerin tilip ala beripti. Basy meń-zeń bolyp aýyrǵan beıshara kórshisi «bul májjónge qaıdan keldim» dep oılaıdy da:

— Qojeke, basymnyń saý jerin qaldyrmaı keskilediń, endi qulaǵymdy baıqaı kór, — depti qulaq shekesiniń shashyn ala bastaǵan kezde. Qojanasyr «e, qulaq degen ońaı ǵoı, bastaı emes» dep qulaǵynyń bir-eki jerin tilip jiberipti. Beıshara kórshisi:

— Oıbaı, Qojeke, bunyń ne? — dep shyr ete túsipti. Qoja- nasyr:

— E, óziń aıtqan joqsyń ba, basymdy keskilediń, endi qulaǵymdy dep, — depti saspastan. Kórshisi:

— Oıbaı-aý, ol sózim qulaǵymdy kesip alyp júrme, basyma uqsatyp degenim ǵoı, — depti. Qojanasyr:

— E... endi túsindim, manadan solaı aıtsaıshy, onda myna saý qulaǵyńdy da kesip alyp júrermin, odan da qolyńa ustap otyr, — dep qulaǵyn kesip alyp, qolyna «má» dep ustatyp qoıypty.

Súıtip, beıshara kórshisi shash aldyram dep qulaǵynan aıyrylyp, shúntıip úıine qaıtypty.

---