InfoHub Logo

Qazaqta "Iesi qalasa, qońsy ókpelemeıdi" degen maqal bar. Qońsy bolýdyń nemese qońsy qonýdyń da reti men jón-jobasy, ózindik joly bar. Qońsy degen - burynǵy kezderde bir aýqatty aýylǵa irgeles, aralas bolyp, oǵan arqa súıeı otyryp, sol eldiń baıynyń sharýasyn istep, malyn baǵyp, saýynyn alyp, atyn minip, taǵy basqa qyzmetteri arqyly kún kórip, otbasyn asyraıtyn adam degen sóz. Bular atalas ta, týys-jegjat ta, bóten elden kelgen kirmeler de bolýy múmkin.

Maly kóp bireýler kórshi elden, aýyldan ýaqytsha jer surap alyp, onyń ot, sýyn paıdalanady. Muny qońsy aýyl deıdi. Qońsylar aýyl, jer ıesiniń qas-qabaǵyna qarap, olardyń talap-tilegi men aıtqanyn oryndap otyrýǵa májbúr ekenin esten shyǵarmaıdy. Olardyń teris isi (mal urlaý, urys, tóbeles) bolsa, el ıesi olardy kóshirip jiberýge haqysy bar.

Alaıda jergilikti adamdar olardy shetke qaqpaıdy, zábir-japa kórsetpeıdi, syılaıdy, qurmet kórsetedi. Keıde olarmen aralas-quralas otyryp, barys-kelis jasaıdy. Onyń arty qyz alysyp, qyz berisip, qudaı qosqan qudalyqqa da jalǵasyp ketedi.

---