InfoHub Logo

\Qazir kóp áıelder qorǵansyzdyqtan qaza taýyp, zorlyq-zombylyqtyn ashyq kýási bolýda. Karantın bastalaǵaly beri álsiz jandarǵa zorlyq 5 esege arta túsken. Bir Qaraǵandynyń ózinde 2 jylda turmystyq zorlyq-zombylyqtan 16 adam qaza tapqan. Biz bilmeıtin, basqa eldi mekenderdegi qanshama arýlarymyz qorǵansyz qaza taýyp jatyr.

Áıel- qaıtkenmende áıel. Bolmysy-názik, týmasy-álsiz. Er azamattar qorǵan bolýdyń ornyna ózderi kelip jábir kórsetetin erkekterdi erkek dep aıtýǵa qımaısyń. Barlyq syryńdy, munyńdy bile tura, kóz aldynda saǵan zulymdyq istep ketetin jaıttar qanshama. Mundaıda Muhtar Áýezovtyń 1921 jyly jaryqsha shyqqan “Qorǵansyzdyń kúni” áńgimese oıǵa oralady. Sol zamannyń ózińdi úıine qonaq bolyp kelip, quldyrap otyrǵan otbasynyń bar munyń estip bitkennen keıin sol úıdiń qyzyna zárin shashyp ketken erkek, qazirge erkekterdiń aǵasy da boldy ma eken?

Ýyzdaı jas qyz bundaı qorlyqqa shydaı almaı, qaqaǵan qysta , ákesi men inisiniń molasyna kelip jan tásilim etkeni kimniń moınynda?!Kim kináli?. .

Ǵazıza qaıtys bolar aldynda  aıtyp ketkendeı “Men tazamyn. Mende eshqandaı kiná joq”.

Qazirgi zorlyq kórgen qorǵansyz áıelder de taza. Tek olardy soqqyǵa jyǵyp, jábir kórsetken erkekter las, olardyń qoly las, júregi las, oıy las. Túptep kelgende-ómiri las, ózderi las.

Qazirgi qorǵansyz áıelderdiń sońǵy sózi bizge jetip jatyr ma? Olardy tolǵanyp, ýaıymdaıtyn shyn janashyrlar bar ma?

Myń suraq, jaýaby joq, biraq.

Alıeva Arýjan Mustafaqyzy

---