InfoHub Logo

Búgingi tańda sybaılas jemqorlyq sıaqty keleńsiz, jaman ádettiń jolyn kesip, joıýǵa baǵyttalǵan kóptegen is - sharalar uıymdastyrylyp júzege asyrylyp jatyr.

Sybaılas jemqorlyqtyń beleń alýy azamattardyń konstıtýsıalyq quqyqtaryna keriáserin tıgizedi, olardyń zań aldyndaǵy teń quqylyq prınsıpi buzylyp memlekettik bılik bedeline eleýli nuqsan keltiredi.Osynyń negizinde  mańyzdy iske memlekettik organdar men onyń laýazymdy tulǵalary, qoǵamdyq uıymdar atsalysýda. 

Árqaısymyz sybaılas jemqorlyqpen kúreseıik, sybaılas jemqorlyqqa qatysty quqyq buzýshylyqtardy boldyrmaıyq jáne onyń aldyn alaıyq. Bizdiń árqaısymyzdyń tarapymyzdan sybaılas jemqorlyqty boldyrmaý barysynda belsendi qyzmet qajet. 

Kez-kelgen órkenıetti qoǵam úshin sybaılas jemqorlyqpen kúres eń ózekti máselelerdiń biri bolyp tabylady

Jemqorlyq memleketimizdiń bedelin túsiredi, memleket qaýipsizdigine nuqsan keltiredi, quqyqtyq memleket qurýdyń qaǵıdalaryn buzady. El mejesi aldyńǵy qatarly elý eldiń qataryna ený. Osyndaı egemendigimizdiń alǵa qoıǵan maqsatyna jetýine kedergi - ol sybaılas jemqorlyq. Sybaılas jemqorlyqpen kúresý barshamyzǵa ortaq mindet. Sybaılas jemqorlyq memleketti ishinen joıýdyń bastamasy men jetistikterdi joqqa shyǵaratyn, ulttyq qaýipsizdikke qaýip-qater ákeletindigi kúmánsiz. Sondyqtan da Qazaqstan Respýblıkasynyń memlekettik saıasatynyń negizgi basymdylyqtarynyń biri bolyp osy zulymdyqpen kúresý bolyp tabylady.

Bizdiń qoǵamda sybaılas jemqorlyqqa oryn joq. Qoǵamnyń barlyq kúsh-jigerin biriktirip, osy derttiń odan ári ýshyqpaýy úshin ony toqtatýdyń barlyq amaldaryn qoldaný arqyly ǵana bul qubylysqa tıimdi túrde qarsy turýǵa bolady.

El bolyp eńsemizdi kótergenimizge, táýelsizdigimizdi alyp, sharshy álemge tanylǵanymyzǵa jıyrma jyldaı  ýaqyt ótti. Ótkenimizge kóz salsaq, Elbasymyz Nursultan Ábishuly Nazarbaevtyń kóregen saıasatynyń arqasynda memleketimizdiń tamyry tereńge tartyp, nyǵaıa túsýine baǵyttalǵan quqyqtyq zańnamalar men is-sharalar qabyldanyp, el ekonomıkasy men áleýmettik jaǵdaıy túzelip, álem memleketteriniń ortasynan óz orynyn aıqyndady. Búkil álemge óziniń birtutastyǵymen, ajyramas birligimen tanyldy. Qoǵam damýynyń jańa jolyn tańdap, ýaqyttan týyndaǵan ártúrli keselderden aıyǵýdy mindet etip qoıdy. Ol jol - Prezıdenetimiz Nursultan Ábishulynyń bastaýymen alǵa qoıylǵan sybaılas jemqorlyqpen kúres joly.

Sondyqtan sybaılas jemqorlyqpen kúresý barlyq Qazaqstan Respýblıkasy azamattarynyń azamattyq boryshy dep bilý kerek.

Sanatova Aıdana

---