InfoHub Logo

Qazaqtyń qos batyr qyzdary Mánshúk Mámetova men Álıa Moldaǵulova jaıly tárbıe saǵaty


Tárbıe saǵatynyń taqyryby: Qos juldyz
Tárbıe saǵatynyń maqsaty: Oqýshylardyń Uly Otan soǵysyndaǵy Uly Jeńistiń mańyzdylyǵyn uǵynýlaryna jaǵdaı týǵyzý. Uly Otan soǵysynda týǵan jerin qorǵaǵan Qazaqstan azamattary týraly málimet berý. Attary ańyzǵa aınalyp, erlik isteri barsha ultty tań qaldyrǵan qazaqtyń qos batyr qyzy Mánshúk Mametova men Álıa Moldaǵulovanyń jarqyn ómiri jáne Uly Otan soǵysyndaǵy erlik isterin urpaqqa úlgi etip, ónege etý. Oqýshylardyń boıyna patrıottyq sezimin oıatý.
Otan súıgishtikke, erlikke, adaldyqqa baýlý.
Kórnekiligi: slaıd, naqyl sózder, sýret

Tárbıe saǵatynyń barysy:
Muǵalimniń kirispe sózi:

Balalar Uly Otan soǵysy, Uly Jeńis degen sózder estip júremiz. Búgin osy sózderdiń maǵynalaryna tereńirek úńilemiz.
1941 jyly 22 maýsym kúni tań shapaǵy jańa ǵana araılanyp kele jatqan kezde, elimizge qaýip tóndi. Halqymyz adam aıtqysyz qıyn kezeńge dýshar boldy. Fashısik Germanıa elimizge opasyzdyqpen basyp kirdi.

1 - oqýshy: Bult túnerip aspannan,
Talaı kózden jas tamǵan.
Tutqıyldan jaý tıip,
Qyrǵyn soǵys bastaldy.

2 - oqýshy: Otanym, erkeleımin endi kimge,
Ózińmen neni bolsa, kórem birge.
Qalaısha qabyrǵama batpas meniń,
Basyńa qater kúni tóngen kúnde.
Soǵys bastalysymen barlyq er - azamattar Otanyn qorǵaýǵa attanyp ketip jatty. Arttarynda jylaǵan balalary men jarlary, ata - analary qalyp jatty.
(Slaıd kórsetilip turady.)

5 - oqýshy. Gıtlershilder soǵystyń bas kezinde 190 dıvızıany, 5 myńdaı samoletti, 3700 tankti, 50 myńdaı qarý men mınometti shabýylǵa shyǵardy. Jerimizge basyp kirgen jaý áskerleriniń jalpy sany 5 mıllıon adamǵa jetti.

6 - oqýshy. Osy surapyl soǵysta jaýdy talqandap Uly Jeńiske jetýge qazaqstandyqtar da súbeli úles qosty. Júzdegen myń qazaqstandyqtar qolyna qarý alyp, óz Otanynyń namysy men bostandyǵy úshin kúresti.

7 - oqýshy. Qazaqstandyqtar Brest qamalyn qorǵady, Máskeý túbinde ólimge bas tikti, Stalıngrad, Kýrsk doǵasyndaǵy shaıqastarda erekshe kózge tústi. Berlındi shabýyldady, Reıhstagqa Jeńis týyn tikti.

8 - oqýshy: Tarıhı derekterge qaraǵanda 1942 - 1945j 1mln. 196myń. 164 qazaq - standyq maıdanǵa attanyp teń jartysy oralmaǵan. Kóptegen jaýyngerlerimiz erlik kórsetti. 518 qazaqstandyq Keńes Odaǵynyń batyry - ataǵyn aldy.

9 - oqýshy: Atap aıtsaq Qasym Qaısenov, Nurken Ábdirov, Baýyrjan Momyshuly, Talǵat Bıgeldınov, Raqymjan Qoshqarbaev sıaqty aty ańyzǵa aınalǵan batyr atalarymyz.

10 - oqýshy: Osy qyrǵyn soǵysta erlermen qatar elin qorǵaǵan qos qazaqtyń batyr qyzy bolǵan. Ol Mánshúk Mámetova jáne Álıa Moldaǵulova. Olardy biz qazaqtyń qos shynary, qos juldyzy dep qatar ataımyz.