InfoHub Logo

Kirispe sóz
Qazaq halqynyń ómirinde erekshe oryn alatyn, erteden merekelenip kele jatqan meıramnyń biri - Naýryz. Bul jyl saıyn naýryz aıynyń 22 - juldyzynda merekelenedi, ıaǵnı kún men tún teńelip, qar erip, kók shyǵa bastaıtyn kóktem aıy. Sondyqtan ertedegi adamdar naýryz kúnin jańa jyl basy - ulystyń uly kúni dep eseptep, jaqsy tilek, zor qýanysh pen qarsy alǵan, jurt el aralap, naýryz kóje iship, palýan kúresip, oıyn saýlyqpen ótkizgen. Sol sebepti biz búgin erteńgiligimiz “Qosh keldiń Naýryz!”- dep atap otyrmyz.
Naýryz kelse, qut kelgeni halaıyq
Esik ashyp, shashý shashyp,
El bolyp qarsy alaıyq.
(shashý shashylady)

Tyńdańyzdar! tyńdańyzdar!
Bosqa qarap qalmańyzdar!
Naýryz toıy bastaldy
Kórgenderde armanda,
Kórmegender de armanda,
Naýryz toıy bastaldy.
1 - shi oqýshy:
Keldi Naýryz jar salyp,
Bı bıleıik án salyp,
Jylda úlken Ulys kún
Turaıyq esen qarsy alyp.

Sálem ana, altyn kún
Sálem qarty halqymnyń
Ýaqytyma rıza bop,
Baqytyma shalqydym.
Ashyq bolsyn kúnimiz
Ashylady nurymyz
Baı tulǵaly óńirde
Aıtylady jyrymyz deı otyryp ortaǵa “Naýryz” horyn shaqyraıyq.

Naýryz
Kel, balalar oınaıyq
Naýryz toıyn toılaıyq
Baıandy bop mereke
Qyr gúlindeı jaınaıyq
Qaıyrmasy:
Naýryz, naýryz, naýryz jyl basy
Naýryz, naýryz - baqyt jalǵasy
Naýryz, naýryz, naýryz jyl basy
Naýryz, naýryz - baqyt jalǵasy
2. Alpys jyldaı joǵalyp,
Qaıta oralǵan naýzyzym.
Talaptardy tas buzyp,
Saırańdaýda ul - qyzyń.

Qaıyrmasy:
Naýryz, naýryz, naýryz jyl basy
Naýryz, naýryz - baqyt jalǵasy
Naýryz, naýryz, naýryz jyl basy
Naýryz, naýryz - baqyt jalǵasy.
Muǵalim: Jyl basy - Naýryz mereke
Aq nurǵa álem boıandy
Naýryz toıy bereke
Tirshilik jańa oıandy
2 - shi oqýshy:
Ata - babam toılaǵan
Naýryzym armysyń!
Qyzyǵyńa toımaǵan
Darhan dala, qarly shyń.
Sulý qazaq qyzdaryn ortaǵa shyǵys bıine shaqyramyz. Ortada shyǵys bıi tamashalańyzdar.
(shyǵys bıi)
Muǵalim: Kóktem kúıin bastady
Óz ónerin asyra
Qysty qýyp tastady
Asqar taýdyń basyna
Ortaǵa ánshi qyzdarymyzdy shaqyraıyq. Ortada “Qoshaqan ”áni qabyl alyńyzdar.