InfoHub Logo

Taqyryp: Qosh, súıikti Álippe!

Maqsaty:
1. Oqýshylardyń saýat ashý pánin oqý barysynda alǵan bilimderin kórsetýge kómektesý.
2. Mánerlep óleń, qara sózderdi aıtýǵa, úırengen bilim, bilik daǵdylaryn ary qaraı jetildirýge jaǵdaı týǵyzý.
3. Oqýǵa, bilim alýǵa, qorshaǵan ortany aıalaýǵa, dostyq qarym - qatynas ornatýǵa tárbıeleý.
Kórnekilikter: "Álippe" maketi, Y. Altynsarın portreti, "Balalar shyǵarmashylyǵy", "Eń alǵashqy sabaq, eń alǵashqy ustaz, eń alǵashqy baǵa…" atty sýret kórmeleri (foto, sýretter, balalardyń "Álippe" týraly oılary), sharlar, lentalar, jalaýshalar, jumsaq oıynshyqtar, áripter, sıfrlar 1 - 10, tehnıkalyq oqytý quraldary, «Altyn kilt», gúlder.
Ádis - tásilderi: "Boljaý", "Esse".
Gımn. Oqýshylar kiredi.
Qurylymy: perde jabyq turady. Sahnada "Erte, erte, ertede…" áýeni oınalady.

Júrgizýshi: Al, qanekı, balalar, ata - analar, qurmetti qonaqtar! Jaıǵasyp otyryńyzdar! "Álippe".
(Mýzyka. Sahnada Býratıno men Malvına bıleıdi. Perde ashylady).
Júrgizýshi: Balalar, bular kimder? Bilesińder me?
Kórermender: Bý - ra - tı - no, Mal - vı - na.
(Artemon "Álippe" kitabyn tistep alyp júgirip keledi).
Malvına: Artemon, bul ne? Ne kóterip júrsiń? Bul kitapty qaıdan aldyń?
Býratıno: Qandaı ádemi kitap? Suraýsyz alǵan sıaqtysyń ǵoı ózi.
Artemon úredi.
Malvına: Býratıno, bul kitapty mindetti túrde ıesine aparyp berý kerek!
Býratıno: Iá, durys aıtasyń. Kettik!
(Sahna jabylady).
Júrgizýshi: Sóıtip bizdiń keıipkerlerimiz jolǵa shyqty.
(Sahnada kóńilsiz, muńaıyp otyrǵan balalar. Biri oıynshyq oınap, biri jerge qarap, t. s. s. Malvına, Býratıno, Artemon keledi).
Malvına: Balalar, myna zat senderdiki me?
Oqýshylar: Alaqaı, kitabymyz tabyldy!
Býratıno: Bul qandaı kitap?

1 - oqýshy: Bul sıqyrly kitap.
2 - oqýshy: Jaqsy kitap Álippe,
Úıretedi áripke.
Qýyrshaqpen qoshtastym,
Álippemen dostastym.
A - dan bastap áripti,
Terip maǵan tanytty.
3 - oqýshy: Úıretti bizdi Álippe,
42 derbes áripke.
Sóz, sóılem qurap áripten,
Laıyq boldy dáripke.
Malvına, Býratıno: Álippe! Jaqsy eken.

4 - oqýshy: Kelińder, qonaq bolyńdar. Búgin biz sheksiz qýanyshtymyz. Óıtkeni, alǵash hat tanytyp, saýatymyzdy ashqan súıikti "Álippe" – men qoshtasqaly otyrmyz.
5 - oqýshy: Bar kitapqa bas bolǵan,
Álippe – ǵylym anasy.
Álippeden bastalǵan,
Danalyqtyń danasy.
Hor: "Álippe".
Býratıno: Balalar, men de sender sıaqty oqyp úırengim keledi.
6 - oqýshy: Býratıno, qoryqpa, biz saǵan úıretemiz. Mine, sen ańsaǵan áripter de keldi.
Oqymaq bop áripterdi,
Ashyp edim "Álippeni".
Bul dostarym qyzyq netken,
Árip bitken zytyp ketken.

7 - oqýshy: Almatyǵa "A" bekipti,
"Á" – ni Áset áketipti.
8 - oqýshy: "B" bolashaqtyń qalasyna,
Túnep qapty, nanasyń ba?
9 - oqýshy: Gýrevpen "G" tanysty,
Betke alypty "Ǵ" ǵaryshty.
10 - oqýshy: Sararqanyń dalasynda
"D" tap boldy borasynǵa.
11 - oqýshy: Jambylda júr "J" jaırańdap,
Zaısan barǵan "Z" saırańdap.
12 - oqýshy: "T" – nyń ózi tańdap barǵan,
Mekeni eken Taldyqorǵan.

13 - oqýshy: "Qaıda?" – deseń qalǵan árip,
Olar da aýyl, aýdan baryp,
Eńbek etip jatyr eken,
Árip bitken batyr eken.
Malvına: Biz senderge jumbaqtar jasyraıyq. Sheshýin taba alasyńdar ma?
1. Tili betinde,
Sóz shetinde. (saǵat)
2. Sharlap kelip dalany,
Úıime úıin salady. (qarlyǵash)
3. Mań, mań, mań basqan,
Shýdalaryn shań basqan,
Bul qaı janýar? (Túıe)
14 - oqýshy: Bizdiń ata - analarymyz da óte tapqyr.
Býratıno: Olaı bolsa, Uljamaldyń mamasy, myna jańyltpashty aıtyp kórińizshi.

15 - oqýshy: Aıta - aıta jaq taldy,
Qaıta - qaıta jattaldy.
Qaıta - qaıta jaq taldy,
Aıta - aıta jattaldy.
16 - oqýshy: Qashtym qatty - aq,
Ushty qalpaq.
Balaq satpaq,
Aıaq batpaq.